Dwagi Yai Gesi Po Makgo Asęani 8:7 - Godigo dwagi yai po buku

⁷ Tama augwaligo te dwasianu sųgų si sela me elaluali. Tama agai te me selama, te Godiba puba hwi olama, tama aga wali pabo bidi dabebolo te me dobayao po wai, tama augwaligo te me dobaba pali.

Dwagi Yai Gesi Po Makgo Asęani 8:7 Referans Kwoze

Matyu 14:19

Tama agai te we bidi augwalibolo po olama, augwali te noswaide duada pao te po wai. Tama agai te a naga bret badi te sųgų si dali selama, tama agai dagaluba ugwaba tonaluyu, aga Ayabolo nage usu dao po wai. Tama agai te bret pedama, tama aga wali pabo bidi dabebolo menama, tama aga wali pabo bidi dabego te we bidi augwalibolo te nai dobaba pai.

Dwagi Yai Gesi Po Jongo Asęani 21:5

Tama Jisasgo augwalibolo hanalubo po olama i weyu, te po wai, “Abagi dede, dagego sųgų meba saliwe?” te po wai. Tama augwaligo aga dali po wei ponoyu, te po wai, “Menio,” te po wai.

Dwagi Yai Gesi Po Lukgo Asęani 6:41

Magi baso nago naga amago gedude elalubo dwasianu pobele bage suai, tiali goli nago naga gedude elalubo genuai pobele bage te bǫ nami tiwai te nago magi baso subo meniwe?

Dwagi Yai Gesi Po Makgo Asęani 8:6

Tama agai te we bidi augwalibolo olama, tama augwali te tǫba duada pao wali. Tama agai te a naga olama me badu si bret selama, tama agai Godiba puba hwi olama, tama te nai pebedama, tama aga te wali pabo bidi dabebolo menama, te augwaligo dobaba pomainogo yali. Tama augwaligo te we bidiba dobaba palio.