Dwagi Yai Gesi Po Makgo Asęani 8:36 - Godigo dwagi yai po buku

³⁶ Te bidigo te tigidali tǫde doado bage siyu, te aga digi aga bidibo ula tagaluyu da, teda te bidigo genuai wiegi yai nai tama saliwe? Te meni.

Dwagi Yai Gesi Po Makgo Asęani 8:36 Referans Kwoze

Matyu 16:26

Bidigo e tǫde elalubo tigidali nai aga sai goli, tama te nai sobadi aga mu bidabo ula doloyu da, teda te tigidali sali naigo aga tau sabo usu egobeo. Te bidigo te bidibo ula ma abelainu te mena nai mobaso, te usu me egobeo. Te menio.

Godigo Nogi Ugwaba Sabo Tęąbi Po Wabo Buku Dabe 49:17

Nago koneai, nosali te bidi aga isibode, tama agai te tigidali nai me sela pogobeo. Be me, te au ebo nai me, masigi me, te nai tigidali aga dali te isibo bidigo buluba selasa pogobeo.

Dwagi Yai Gesi Po Lukgo Asęani 9:25

Bidi mego e tǫde elalubo nai tigidali aga sai goli, aga digi ma dolu ma aga ma aiyaba elalu, te nai dabego aga mena tama tau sabo usu egowe? Te menio.

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Malakai 3:14

‘Magi baso dago agai po wali pobawe? Te Tigidali Bomo Elalubo Genuai Bidigo gedude dago dena yali dwai sęde homu dene yali, tiali goli agai daba te wiegi yai nai deli wei me ponobeo. Tialima, magi baso dago olodali homu dene yaibawe?’ te po walio.

Jopgo Po Asęani Elalubo Buku 2:4

Te po obaso, Satango te po wei ponoyu, te po wali, “Mu tamawe? Tiali goli, eno homugo bidi me aga bugagia bidaibao homu eyu da, teda te bidi aga tigidali nai menama, aga bidibo ula abelaibao.

Jopgo Po Asęani Elalubo Buku 22:2

“Da olo bidi dabego God tau sabo sę dabe ebo usugowe? Mu meni. Te koneai bidi dabe me usu egobeo.

Dwagi Yai Gesi Po Makgo Asęani 8:35

Magi baso meni, te bidi me deligo aga digi aga bidabo ula bugagia tonalubo homu ebaso da, te aga bidabo ula te hagawaibao. Tiali goli te bidigo enade te Godigo wiegi yai gesi pode te homu kone palama, tama aga bidabo ula tagalu da, te aga bidabo ula mu saibao.

Dwagi Yai Gesi Po Makgo Asęani 8:37

Te bidigo mena mone mayu, te aga bidabo ula dobola siyu ma abelaibawe? Te menio.