Dwagi Yai Gesi Po Makgo Asęani 8:34 - Godigo dwagi yai po buku

³⁴ Tama agai te we bidi agaba asomainu i weyu, te aga dali wali pabo bidi dabe me asomainu yai. Tama aselama, tama agai augwalibolo te po wai, “Te bidi me deligo ena wali asainogo da, te aga digi aga aiyaba elaluama, tama agai e homu yao, aga ena wali pobadi aga dene sobaso da, teda te usu da, te homu ebo bidigo agai aga ni pedai tolasa pabo tiwai eyu, aga ena wali asao.

Dwagi Yai Gesi Po Makgo Asęani 8:34 Referans Kwoze

Matyu 10:38

Tama bidi aga ena wali peyu, tama gasa bidi dabe augwaligo agabolo dene me sęgę dali mayu, tama te aga isilabo ni pedai tiwai dao. Tama agai te ni pedai selama, ena wali asisąwani da, teda te bidi aga eno abagi bidigobeo.

Dwagi Yai Gesi Po Jongo Asęani 10:27

Eno kibu sipsip dabego eno po wabo dogoni odobo dao. Eno augwali koneai, tama augwali ena wali asobo dao.

Te Israel me Juda Hani Sigo Tuni Bidigo Po Elalubo Buku Deli 14:8

Eno bomonama, te Devitgo hanigo te king sę yali sela sąnama, tama te sę eno nagebolo mawai dao. Tiali goli, nago te Devitgo yali gilama dwagi yai kolesaga tų wali pabeo, aga te eno sę bidio,’” wali. “‘Agai te bomo mu elama, tama te eno bomai po wali painu ebo bidi bidali. Tama te magi kolesaga doloba pai eno gedude ebawe, te tama tiwai kolesaga te Devitgo yai dao.

Galesia 5:24

Tama Krais Jisasde wadolali we bidi augwaligo augwa tigigo tǫde ebo dwai kolesaga ela silai dao, te ni pedaide elali gilama tiwai. Tama te dwai kolesagago hodolobo sę, te gedugo mena nai sulama sainogo ebo homu kolesaga te me, te Kraisgo we bidi augwaligo te kolesaga tagala silai dao.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.

1 Jon 3:16

Tama bidi dali dwagi yai homu eyu godolo mu ebo kolesaga page, te kolesaga page dabolo hania ola mabo sę e dao: Krais aga digi agai da tǫde we bidi tau somainogo aga bidabo ula tagalama, tama da tobade isali. Tama tibaso, dago me dago bidibo ula tagalama, dago ama dede augwali tau sao. Tama tiyu, dago augwali tau sobadi tama gasa bidi dabego da elebaso, dago usu da homu yao.

Israel Hanigo Namba 14:24

Tiali goli, eno sę bidi Kalep, agai te gasa homu me elalubao, tama agai eno homu kolesaga wali mu pabo. Tama tibaso, eno aga te agai sugi pali te buluba eno odasa paibao. Tama aga tede bidaibao. Tama agai wąį wai pulubago te bulu saibao.

Matyu 16:24

Tama te sogo Jisas aga wali pabo bidi dabe augwalibolo te po wai, “Te ena wali niwai bidi me deli asainu da, aga tobade aga digi aga homu aiyaba elaluama, tama agaba asobo niwai sęgę bugagia tolalu ena wali asao.

Filipai 3:10

Tama bomo elama, eno deli homu naga ebo dao: ena Krais dali wadoloyu, tama eno aga kuna koneaio. Aga isąma ma hodaluama tama bomo elalubao. Eno homugo eno te bomo mu koneaio. Eno aga dali abagi mu olama, tama aga dene sali tiwai eno dene sobaso te usu dao, eno te dene saio. Tama tiyu, aga isali tiwai ena isaio.

Polgo Po Pas Rom Dabeba Asęani 8:17

Tama da te Godigo wai dabe bidaligo da, teda nosali dago te Ayago nai me saibao. Awe, te dago Godigo nai saibao, te nai me dago Krais dali saibao. Te megi dago Godigo sę eyu tama Krais dali dago te dene tolobaso da, teda dago aga dali te genuai nogi me te ula yai bomo me, te me dago aga dali nosali saibao.

Dwagi Yai Gesi Po Lukgo Asęani 9:23

Jisasgo tigidali we bidibolo te po wali, “Te ena wali me niwai bidi asainu da, aga tobade homu konebo gegeda pelama, ena tigide ebo dene tiwai aga bidibo donolama iduabo bidi, ena wali asao.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

Filipai 3:7

Tiali goli te eno megi tama nedali eno nogi tau sabo wiegi yai kolesaga, te augwali tigidalide eno homu hasegelama, tama megi eno homu te augwali te ena tau sisąbo nai naga dao, te hagawai nai naga tiwai dao. Magi baso meni, Krais agai ena tau mu sai dao.

1 Pita 4:1

Te bidi Krais aga tigide dene saligo da, teda dage bomo siyu bugagia bidimainogo eyu, dagego agai yali homu kolesaga tiwai gilama yao. Magi baso meni. Niwai bidi agai dwagi yai sę yali goli aga dene siyu da, te bidi agai te dwai sę ebo tagalai dao.

Galesia 6:14

Tama augwaligo te sęde augwa nogi ugwaba sabo dao. Tiali goli, ena digi eno te dago Genuai Bidi Jisas Krais agai da tau somainogo aga ni pedaide isali po, te po weyu, tama eno aga nogi naga ugwaba sabo dao. Tama te ni pedaide eno te po obao, eno ena tigigo e tǫde ebo dwai kolesaga ela silai dao, te ni pedaide elali gilama tiwai. Tama ena me, te tobage dwai kolesaga ebode mu isali bidi tiwai dao, te tǫde ebo kolesagago eno homu ma hodologobeo.

1 Korin 15:31

Ama dedeo, te tigidali sogo te ena dali boi homu ebo bagego dene mabo homu ebaso, te tigidali sogo deli deli ena isigowe, te eno konesiąbadi ena tama bidibo dao. Te po mu po naga dao, te eno dagede ebo homu te mu tama dao tiwai. Mu tama, da tigidali dago Genuai Bidi Krais Jisasde tia selama bidibo tama eno wiegi yai homu pemene dagebolo mu ebo dao.

Polgo Po Pas Rom Dabeba Asęani 6:6

Tama dago koneani, te dago poloba homu kolesaga te ni pedaide Krais dali isama tama te dwai sęgo da tigide sę yali bomo te silimainogo yalio, te da te dwai sę ebo kolesaga dologode me bidamu dao.

Dwagi Yai Gesi Po Lukgo Asęani 14:33

Eno tamadi wali po deliba taluyu, tama te tiwai yaibao. Bidi mego aga doado bage tigidali tagalabo hagela baso, teda te bidi eno hani bidi menio,” Jisasgo te po wai.

2 Pita 1:14

Tama eno koneani, dwasianu sogo digi te eno e tigi tagalaibao, te dago Genuai Bidi Jisas Krais agai tama tiabo po enabolo pusalio.

1 Pita 4:13

Dagego te Krais aga dene sali tiwai te dagede me te dene tolobo sę meba megi tama siyu ebaso, tama dage dwagi yai homu yao. Tama nosali aga ma asobo si, aga bomo yai ula te sogo hanilibo si, te dagego aga dene meba ede sobaso tama dage te sogo me te didibili eyu moni dwagi yai homu yaibao.

Taitus 2:12

Tama da tǫde we bidi dago Godigo bomai po tudiba muyu, tama te dwai dwai kolesaga eyu bidai dao. Tiali goli agai olo tau sabo wiegi yai kolesaga tego da e tiwai ola mabo dao: “Dagego te dwai sę tudiba muao, te doloba pai kolesaga naga yao, tama dage e tǫde bidibadi te Godigo gedude dwagi yai we bidi bidao.”

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Dwagi Yai Gesi Po Lukgo Asęani 18:22

Te Jisasgo te bidigo wali po odama, tama agabolo te po wali, “Magi nai me deli elalubuo, te sę nago ebeo. Nago beba pelama, naga doado bage tigidali selama, maketba munama, tama gasa bidi dabego abelaibao. Tama te doado bagede sali mone sobaso, te nai meni yai we bidi dobayao. Nago te sę ebaso, Godigo bidibo madide nago doado bage hauwa mu elaluaibao, nosali. Tama nago te sę elama, nage ena wali asao,” Jisasgo te po wali.

Dwagi Yai Gesi Po Lukgo Asęani 13:24

Te Jisasgo te we bidibolo te po wali, “Te be tų dwasianu goli, dage bomo elama, te sunumi tomoba piąo. Magi baso meni. Eno dagebolo obao. We bidi hauwa Godigo we bidi tonalubo madigi tomoba pai hagede, ebadi, tiali goli te augwali usu egobeo.

Matyu 27:32

Augwali te moni hanu buluba pobadi, tama augwaligo te Sairini bulu bidi me deli suali, aga nogi Saimon. Tama augwaligo bomonama agai te Jisasgo tolali ni pedai tolao wali, tama agai tolali.

Kraisgo Geme Dualali Sę Pedelabo Po Jonbolo Ola Mani 2:10

Tama nosali gana gasa bagego dagebolo dene mawaibao. Tiali goli dage te dene sabo sęde wi egio. E po odao. Satango dage meba kalabus iliyu, te dage agai poba asobowe suainogo usu siyu tiaibao. Tama dage te dwai sę ebogo sęgę me dene dali te nogo si sogo usu nama saibao. Gasa bidi augwaligo dage dali te dwai sę eyu, tama augwaligo dage ela mubo sę me eyu da, teda dage enade homu kęą pai bidi dabe bidiyu da, eno dagebolo wiegi yai nai mu mawaibao, te bidada peyu, bidada pabo ula dagebolo mu mawaibao.”

Hibru 13:13

Tama tibaso, da me te pesage nigali te bulu badu agaba pelama, tama dago agai aga isibode tolali hale tiwai te dago me tolao.

2 Tesalonaika 3:11

Magi baso dago te po waliwe? Dago odali, dage tomode bidi meba tubo nai sabo sę isiąma olo bidibo po dago odalio. Augwaligo sę me ebo menio, tigidali sogo. Augwali olo biliyu, gasa we bidigo ebo sę suyu, tama augwaligo te po ola bilibo dao. Tama dago augwaligo te dwai sę ebo po odama, tama dago dagebolo te nai magio po ma obao.

1 Korin 9:19

Ena da te bidi me deligo olo sę ebo bidi me bidainogo me bidibe. Tiali goli te ena homugo ena digi te ena te tigidali bidi dologoba muyu, tama ena augwaligo olo sę ebo bidi tiwai bidainogo homu elama ebao, te eno bidi hauwa sabo homu elama tibo dao. Augwali Jisas wali pabo bage pedalomainogo eyu ena tama ebo dao.

1 Korin 8:13

Tama tibaso, te nai tubogo eno ama te dwai sęba tulalumainogo ilibaso da, teda eno te mi munu ma tugobeo. Tiyu eno te eno ama te dwai sęba tulalubo sę ilidalio.

Dwagi Yai Gesi Po Lukgo Asęani 20:45

Te we bidi tigidali augwali tede bidibadi, Jisasgo wali po odali.

Dwagi Yai Gesi Po Makgo Asęani 10:21

Jisasgo agaba tonaludama, tama aga dali dwagi yai homu eyu godolo mu yai. Agai agabolo te po wai, “Nage te nai me deli digi habuge yai elalubao. Nage pelama, te nago doado bage tigidali munama, tama nago tede mone selama, tama te magi nai meni yai bidi dabeba dobayao. Tama tiyu da, te nago wiegi yai nai mu te Godigo bidibo madide elaluaibao. Tama nage ena wali asao,” te po wali.

Dwagi Yai Gesi Po Makgo Asęani 7:14

Tama Jisasgo te we bidi augwali i ma olama, tama agai te po augwalibolo wali, “Dage tigidaligo eno po odama tama homugo konea sao!