Dwagi Yai Gesi Po Makgo Asęani 8:25 - Godigo dwagi yai po buku

²⁵ Tama Jisasgo nogo aga geduba ma muai. Tama te bidigo bomo elama tonono bilali, tama agai gedu wiegi yai pedelama, tama aga tigidali nai hania sula silai.

Dwagi Yai Gesi Po Makgo Asęani 8:25 Referans Kwoze

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

Filipai 1:6

Tama tiyu, eno homu si menio, eno mu koneai, te God agai dage deli deligo homu tomode te dwagi yai sę gagalama, tama te sę ela peyu, mu ela pelama, tama Krais Jisas tǫba ma asobo side naga agai te dagede ebo dwagi yai sę silaibao. Te eno mu koneanio.

Matyu 13:12

Magi baso menio. Bidi me deligo nai meba elalubaso da, teda Godigo agabolo te nai umabo mayu, tama aga nai hauwa elaluaibao. Tama bidi me deligo te dwasianu nai naga elalubaso da, teda Godigo te dwasianu nai dagala sąwaibao.

Dwagi Yai Gesi Po Makgo Asęani 8:24

Tama te bidigo tonono bilama, tama agai te po wai, “Awe, eno te bidi meba suali. Eno augwali te ni tiwai suali, tama augwali bilaluali,” te po wai.

Dwagi Yai Gesi Po Makgo Asęani 8:26

Tama Jisasgo te bidi aga te aga beba tagala palu, tama te po wai, “Nage te bidi dabe bidibo be nani tomoba ma pigio, naga beba dolo pao,” te po wai.

Godigo Sęba Tagala Palai Bidigo Po 1:10

Te Jisas holobaso, augwaligo bomo yaigo tonalubadi, tama polo te nala nisi ugwa gudai bidi si augwali dali hodobo dolaluagasai.

Godigo Sęba Tagala Palai Bidigo Po 14:9

Tama agai dugulalu, Polgo wabo po odali. Tama Pol agai suali, te bidi agai homu tigidali te Jisasba bugagia muani kolesaga te usu yali, aga dwagi yai ma ilainogo elalubo usu da homu yali. Tama Pol agai te bidi gedugo bomonama dolo ponama tonaluali.