Dwagi Yai Gesi Po Makgo Asęani 8:18 - Godigo dwagi yai po buku

¹⁸ Dagego gedu elalubo, tama dagego te nai subo meni da, agawe? Dagego olo elalubao, tama dagego te po odobo meni da, agawe? Dagego homugo te bretde gegeda palai dawe?

Dwagi Yai Gesi Po Makgo Asęani 8:18 Referans Kwoze

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Dwagi Yai Gesi Po Makgo Asęani 4:12

Te Godigo po bukude te gasa we bidide polobadu asęani po, te po page te megi bidalubo we bidide elalubao, te e tiwai dao: ‘Te augwaligo tonono bilibadi, tiali goli te augwaligo te subo nai page hania konegobeo. Te augwaligo po odobadi, tiali goli te po page augwaligo me konesiąwani. Tama augwaligo konegi sogo da, teda augwaligo homu begeleyu, tama Godigo augwaligo dwai sę yali sęgę sela sągi da,’ te po polobadu asęani,” Jisasgo te po wai.

Esekiel 12:2

“Tǫde bidio, te abagi dabe augwali megi nage dali bidibo bage, augwali te hagoma elama, po sela sąbo bidi dabe da. Augwaligo gedu elalubadi, tiali goli te augwaligo bugagia me tonogobeo. Augwaligo olo elalubadi digi, tiali digi augwa bugagia me odobeo, magi baso meni, augwali te hagoma elama, po sela sąbo bidi dabe bidibaso tebo dao.

Dwagi Yai Gesi Po Jongo Asęani 12:40

“‘Augwaligo homu begelegi sogo da, teda eno augwali usu ma iligi da,’ Godigo te po wai. Tialima, augwaligo gedugo sulama, homugo koneidali weyu, Godigo augwaligo gedu haluai dao. Agai augwali te homu tomoba masigi sąwai gagawai we bidi ilali,” Aisaiago te po polobadu asęani.

Polgo Po Pas Rom Dabeba Asęani 11:8

Te Godigo po bukude wali po tiwai gilama yali, te po wai, “Godigo te augwaligo homu kolesaga te godege pibo tiwai ilali. Agai te augwaligo gedu te susiąbo tiwai ilama, tama ologo te po me odosiąyu yalio. Tama augwali te tiwai bidali, tama megi e sogoba usu nagasai dao.”

Aisaia 44:18

“Mu tamao, te tobage we bidi dabe te homu kolesaga mu umuna selama, te augwa homu kolesaga mu meni yai. Te magi nai me deligo augwa gedu paliama, te augwa tonono bilibo usu isąbo tiwai ebo dao. Te magi nai me deligo augwa homu kone tuą palobaso, tama augwa te homu kone tuą pabo kolesaga ebo dao.

Bomai Po 29:4

Tiali goli, Genuai Bidigo dagego te sę dabe yali page konemainu sula tagalobeo, tama agai dagego gedugo tonomainu ebeo, tama me dagego ologo te sę yali page odomainogo me tagalobeo. Tama dage tama bida bida asidu gagali, megiba te usu naga sobao.

Godigo Nogi Ugwaba Sabo Tęąbi Po Wabo Buku Dabe 69:23

Te augwali gedu hulia somainu elama, te augwaligo ma tonono yainu ebaso, te usu munu ma egobeo. Te augwali tudi dili dolobaso da, te augwali bomo elama dolalubaso, te usu me egobeo.

2 Pita 1:12

Tama tibaso, dagego te kolesaga page koneyu, tama dagego te mu po selama, tama dage tede bomonama dolaluai goli, eno homugo te eno dagebolo te po widu geaibao.

2 Tesalonaika 2:5

Polobadu ena dage dali Tesalonaika bulude bidibadi yaide, eno dagebolo te sę nosali pedalaibao po wai dao.