Dwagi Yai Gesi Po Makgo Asęani 7:7 - Godigo dwagi yai po buku

⁷ Augwaligo enade olo dali lotu po weyu ebo dao. Magi baso meni, augwaligo te bidigo nigali bomai po naga ola mayu te po wali, ‘Te e da Godigo po dao’ wai,” ’ Aisaiago te po asęani.”

Dwagi Yai Gesi Po Makgo Asęani 7:7 Referans Kwoze

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

Matyu 15:9

Augwaligo te bidi dabego ola mani bomo yai po naga pusuyu te po wabo dao, “E te Godigo po dao.” Tama tibaso augwaligo olo naga enabolo lotu po wabo dao,’ Godigo te po wali,” Jisasgo te po wai.

Jems 1:26

Te bidi me deli agai homu ‘Ena te baptais sali dwagi yai bidi dao, hauwa sogo eno lotu po wabo dao,’ te homu ebo bidi dao. Tiali goli agai bidi dene mabo dwai po waidali weyu, agai aga pedauwali bugagia tonalubo menio. Tama tiyu da, geda muyu, aga digi aga homugo agabolo tibo po naga wabo dao. Agai te baptais olo sali, agai lotu po wabo te olo po naga wabo dao.

Kolosi 2:22

Te bomo yai po te naide wabo dao, tiali goli dago te nai tubaso da, te nai mu ela silibo dao. Te tobage bomo yai po dabe, te bidigo naga augwa homugo nigilama tama ola mabo dao.

Matyu 6:7

“Tama dagego gedu haluasa po wabo sogo, te olo po hauwa widu geyu, te Godigo po odosiąwai bidi dabego wabo po tiwai egio. Augwaligo homu augwaligo po hauwa widu gebaso, te Godigo te po odama, tama agai augwalibolo te hanalu wali nai mawaibao.

Taitus 3:9

Tiali goli te Godigo we bidi meba augwaligo te peni meni yai olo naide hanalua peyu te po wabo dao. Augwaligo te polobadu wąį dabego nogide po weyu, tama augwa hasi wado po wabo dao. Tama te bomo yai pode konila ebo dao. Te tobage po wabo dabe nago gedelao. Dago koneani, te pogo da tau sogobeo, tama dwagi yai nai walobo menio.

Kraisgo Geme Dualali Sę Pedelabo Po Jonbolo Ola Mani 22:18

Te ena te bidi Jon dao, tama te e bukude elalubo po, te nosali pedalabo sę po, te po odobo we bidi tigidali augwalibolo eno e bomo yai po megi obao. Niwai bidi me deli agai aga homu wali peyu, tama te gasa po e bukude wasiąwai po agai te po wadolobaso da, teda e bukude wali dwai bidi dolobo nai te Godigo te bidi dolomainogo te bidiba te dwai nai tagala palaibao.

1 Samuel 12:21

Tama dagego te tibo god dabe wali me pelamuo. Augwali te olo nai naga elalu, tama augwaligo dage tau selama, te dage ma dobola sabo usu me egobeo.

Bomai Po 12:32

“Dagego eno dagebolo walali te sę dabe naga eyu yao. Te gasa bomai po ugwadu ma daganebo, me te bomai po me deli sela sąbo tagalao, te habu mu dao,” Mosesgo te po wai.

Jems 2:20

Nage homu kolesaga meni yai bidi, te nago konealubo po naga dąų weyu, tama nago wiegi yai kolesaga dali esiąyu, tama nago te konealubo po dąų wabo te olo nai tiwai eyu te usu menio. Tama tibaso, nago te po page mu koneai homu ebawe?

Malakai 3:14

‘Magi baso dago agai po wali pobawe? Te Tigidali Bomo Elalubo Genuai Bidigo gedude dago dena yali dwai sęde homu dene yali, tiali goli agai daba te wiegi yai nai deli wei me ponobeo. Tialima, magi baso dago olodali homu dene yaibawe?’ te po walio.

1 Korin 15:14

Tama mu tama Godigo Krais ma hodoligi menigi sogo da, teda dago te pusubo po, te po olo nai tiwai gagagi da, tama dagego Kraisde konealubo po dąų olama agaba homugo tialubo kolesaga, te me te olo nai tiwai pedaligi da.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.