Dwagi Yai Gesi Po Makgo Asęani 7:28 - Godigo dwagi yai po buku

²⁸ Tiali goli te wego agabolo po wei ponoyu, te po wali, “Genuai Bidi, nago te mu po obao. Tiali goli te yowi dabego te wai dabego nai kagali te tebol sai dologoba tulalubo nai sela tubo dao,” te wego te po wai.

Dwagi Yai Gesi Po Makgo Asęani 7:28 Referans Kwoze

Polgo Po Pas Rom Dabeba Asęani 10:12

Tama te pode te Juda dabe me te gasa hani dabe dali augwali te deli tigi poai tobage naga yali. Te da tigidaligo Genuai Bidi deli naga elalubao, tama agai te olo mu tau siyu mabo wiegi yai kolesaga te genuai mu te agaba i wabo we bidi tigidaliba mabo dao.

Polgo Po Pas Rom Dabeba Asęani 3:29

Nago te po mu meni homu eyu, nago e po wabo dawe, “Te God aga te Juda dabe augwaligo God naga dao. Aga da, te Juda hani ąǫ isąwai te gasa hani dabe augwaligo God meni,” nago te homu ebo dawe? Te po mu po menio. Aga da te gasa hani augwaligo God me dao, agai augwali me ma dobola selama dwagi yai madiba mubo dao.

Aisaia 45:22

“Dage tigidali bulu tǫ habu we bidi dabe, dage enaba asiąo, te dage bugagia bidaibao, magi baso meni, enaduba deli ena God, te gasa god munu me bidibeo.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Godigo Nogi Ugwaba Sabo Tęąbi Po Wabo Buku Dabe 145:16

Awe, agai augwali usu elama, bugagia bidimainogo tigidali nai mabo dao.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Matyu 5:45

Tama tiyu da, dage te duga Aya dagalude bidibo bidigo wai puluba mu bidaibao. Agai te tobage dwagi yai sę naga eyu, tama agai sia nanobo te dwai sę ebo bidi dabeba me te dwagi yai sę ebo bidi dabeba dali si te sia nanobo ula ilibo dao. Tama te tulubage tulubo me te doloba pai bidi dabeba me, te doloba pesiąwai bidi dabeba me te tulubage tuluyu ilibo dao.

Matyu 15:27

“Te po mu dao, genuai bidi,” te wego te po wai. “Tiali goli te yowi dabe me augwaligo te ni nami sai dologoba tulaluali tubo nai kagali, te nai te yowi dabego tubo dao, page bidigo bede,” te wego te po wai.

Dwagi Yai Gesi Po Makgo Asęani 7:27

Tiali goli Jisasgo agabolo po wei ponoyu, te Juda hani dali te Juda hani isąwai bage me te side po digi po begelama tama te po wai, “Dago te wai dabebolo te hasia nai mao. Tiyu dago te wai dabego nai sela tuyu tama te yowi dabeba te nai sąyabuo,” te po wai.

Dwagi Yai Gesi Po Makgo Asęani 7:29

Tama Jisasgo agabolo te po wali, “Nago te tiwai po obaso da, teda nage ma geasa pagameo. Te dwai haubogo nago wegi dąų elaluali te taga palio,” te po wai.