Dwagi Yai Gesi Po Makgo Asęani 7:21 - Godigo dwagi yai po buku

²¹ Te bidi tomode, te homu kolesaga tomode pedalubo nai dabe te e tiwai: te dwai homu kolesaga dabe, te penani ebo kolesaga, me te nai wi sabo kolesaga me, te bidi ela mubo kolesaga me,

Dwagi Yai Gesi Po Makgo Asęani 7:21 Referans Kwoze

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Matyu 15:19

Tama bidigo homu kolesagadu te haniani dwai sę ilabo homu pedalobo dao. Tama te tobage homu eyu, augwaligo po weyu, tama augwaligo te bidi ela mubo kolesaga me, te we sabo sę dolobo kolesaga me, te hale ilibo penani kolesaga dabe me, te nai wi sabo kolesaga me, te po tųde tibo po wabo kolesaga me, te bidi nogi posobo po wabo kolesaga me, te tobage dwai dwai sę ebo dao.

Godigo Sęba Tagala Palai Bidigo Po 8:22

Tama te dwai sę ebo homu begelao. Begelama, tudiba muao. Tama nago Godibolo gedu haluasa po wao, agai nago te kolesaga ebo sela sąmainu yao.

Esekiel 38:10

“E po me pusao, ‘Ena God Genuai Bidi eno te po obao. Gok, te nago augwali dali hwįgi pabo sogo da, teda homu hogodama, tama augwaligo nai nai dabe sabo homu mu yaibao.

Matyu 9:4

Tama Jisasgo augwaligo homude wabo po koneama, tama agai augwalibolo te po wali, “Magi baso dagego dwai homu eyu, te duga homude te dwai dwai po obawe?

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

Jems 2:4

Tama dagego te bidi si dali te tobage sę eyu da, teda dagego duga ama dede dagego homugo augwali osalama, dagalobao. Tiali goli dagego te kolesagade geda muyu, dagego bugagia dagalobeo. Dage te bidi po tų dodolobo bidi jasgo dwai homu elalu te bidi dabe po tųde dagalabo kolesaga tiwai dagego homude me gagabo. Tegio.

Bugagia Bidibo Kolesagade Po Asęai Buku 4:23

Te nage bidabo wiegi yai ula dodolabo wiegi yai homu kolesaga, te naga homude pedelaibao, te wę te idu wę gomo pedalubo tiwai ebo dao. Tama tiyu, tigidali sogo nago te naga homude ebo te bugagia mu tonaluao.

Dwagi Yai Gesi Po Lukgo Asęani 16:15

Tialima, Jisasgo augwalibolo te po wai, “Dagego homugo we bidi augwaligo dagede e homu yaibao, dage doloba pai bage dao. Tiali goli, God agai dagego homu kolesaga mu konebo dao. Tama we bidigo gedude wiegi yai nai dabe, te nai dabe Godigo gedude meda yai nai naga dao,” Jisasgo te po wali.

Aisaia 59:7

Sesemane sogo dagego te dwai kolesaga yabo homu godolo mu ebao. Te sesemane sogo dagego te magi dwai sę me isąwai bidi dabe ela muabo homu hogodali. Dagego te dwai sę dabe yabo homu naga ebao. Te dage udayu, te gasa we bidi dabego bidibo ula dolabo sę ebo dao.

Godigo Nogi Ugwaba Sabo Tęąbi Po Wabo Buku Dabe 53:3

Tiali goli, menio. Tigidali mugo te sunumi tagalalio. Tigidali te deli tobage tiwai naga elalubao, augwali te dwai bidi dabe mu elalubao. Te bidi me deligo wiegi yai kolesaga me ebeo. Mu menio.

Godigo Nogi Ugwaba Sabo Tęąbi Po Wabo Buku Dabe 14:3

Tialima, menio. Tigidali augwaligo dwagi yai tų wali pabo tagalai. Tigidali tiwai naga yai, augwali dwai bidi mu pedelai dao. Tama augwali me deligo dwagi yai kolesaga me ebeo. Mu menio.

Polgo Po Pas Rom Dabeba Asęani 7:8

Awe, te bomai po menigi sogo da, teda te dwai sę ebo kolesaga te isai bidi tiwai elalugi dao. E tiwai dao. Polobadu te ena ogwade bidibadi te sogo eno te bomai po konebeo, tama ena bugagia olo bidali, eno homu ena sęgę sai bidi meni. Tiali goli nosali Godigo bomai po eno kone selama, tama eno homu tomode elaluali dwai sę ebo kolesagago eno dwai sę yabo homu hodaluama, tama haniani naide pesa ebo sęgo ena homu hodolai. Tebogo eno koneani, eno te bomai po bolama tama dwai sę yalio, te eno koneanio.

Godigo Sęba Tagala Palai Bidigo Po 5:4

Te tǫ polobadu te nago tǫ mu da. Te tǫde magi sę yabo me naga homu naga da. Te tǫ me bidigo abelama, mone sabo me, te tiabo me naga homu naga da. Te tiali, nago mena homu elama, te mone me badu bogea sabo sę elama, tibo po waliwe? Nago bidi dabebolo naga tibo po wabe. Meni. Nago Godibolo tibo po wali,” Pitago te po wai.

Bugagia Bidibo Kolesagade Po Asęai Buku 15:25

God Genuai Bidigo te bidi aga digi aga nogi ugwaba sabo bidigo be dolaibao. Tiali goli, agai te wilawe we agai tau siyu, tama te gasa bidigo te wego tǫ sidali weyu te tama tiaibao.

Godigo Nogi Ugwaba Sabo Tęąbi Po Wabo Buku Dabe 14:1

Kolesaga meni yai dwai sę ebo bidi dabe augwa hasi te po wabo dao, “God bidibo menio,” wabo dao. Te bidi dabe augwali te dwai bidi dao. Augwaligo dwai kolesaga mu naga ebo dao. Bidi me deligo dwagi yai kolesaga me ebo menio.

Jopgo Po Asęani Elalubo Buku 25:4

Mena tama da tǫde bidi doloba pelama, Godigo gedude meda meni yai pedalaibawe?

Jopgo Po Asęani Elalubo Buku 14:4

Da we bidi nago gedude meda mu yali. Tama dego da hasegelama, da tigi wiegi yai nago gedude ilaibawe? Mu meni.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Tigidali Nai Gagalama Nigali Side 6:5

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

Polgo Po Pas Rom Dabeba Asęani 7:5

Da te poloba meda yai kolesagade bidali sogo, te bomai po elalubaso, tede dwai homu eyu, tama dago tigigo ebo dwai kolesaga hodoliyu tama dena tigigo dago dwai sę eyu bidai dao. Tama te sę dago elaluama, tama dena noma isabo sę naga pedalainogo yai dao, te da God dali bidisiąbo sę naga pedalai dao.

Godigo Nogi Ugwaba Sabo Tęąbi Po Wabo Buku Dabe 53:1

Te kolesaga meni yai dwai sę ebo bidi dabego augwa digi te tama po wabo dao, “Te God me bidibeo,” wabo da. Te bidi dabe te augwali bidi dwai naga dao. Augwaligo kolesaga te dwai mu ebo dao. Te bidi me deligo wiegi yai kolesaga me ebo menio. Mu menio.

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

Godigo Nogi Ugwaba Sabo Tęąbi Po Wabo Buku Dabe 119:36

Nago eno homu hodoloyu da, te eno nago po wali pabo homu yaibao. Tama eno homugo te mena gasa bidigo nai dabe suyu, homu hodolidalio.

Aisaia 59:13

Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.

Jeremaia 16:12

Tama dagego dwai kolesaga ebogo te duga wąį nǫų dabego dwai kolesaga yali aiyaba mu elalualio. Dage tigidaligo hagoma homu elama, te duga homude dwai kolesaga wali pali. Tama dagego eno po odobo hagela homu ebo dao.

Dwagi Yai Gesi Po Makgo Asęani 7:20

Tama agai te po me wai, “Te dwai nai te bidi tomode elaluama tama buluba asobo, tego te bidi meda ilibo dao.

Dwagi Yai Gesi Po Makgo Asęani 7:22

te we sabo dolobo kolesaga me, te mena nai sainu homu hogodama pesa dalobo kolesaga me, te haniani dwai dwai kolesaga me, te tibo po weyu te hagoma ebo kolesaga, me te bidi nogi posobo po wabo kolesaga ebo, me te hagoma homu elama te esela pabo bidigo kolesaga tiwai eyu ebo dao.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.