Dwagi Yai Gesi Po Makgo Asęani 7:10 - Godigo dwagi yai po buku

¹⁰ E tiwai dao. Polobadu Mosesgo te bomo yai po pusali, ‘Nago te naga aya idago po wali pao,’ wai, tama me po wali, ‘Bidigo dwai po te aga aya idabolo wabo bidi te aga isimainao,’ te po si Mosesgo ola mani.

Dwagi Yai Gesi Po Makgo Asęani 7:10 Referans Kwoze

Ma Dobola Sali 21:17

“Niwai bidigo aga aya de ida si dali wado po weyu, dwai dolabo bomai po wabo bidi, teda te bidi aga dagego ela muao.”

Ma Dobola Sali 20:12

“Nago naga aya ida dologode bidama, tama augwaligo po wali pao. Nago tama tiyu da, te nage polo me isigobeo. Menio, te nage hauwa sogo te tǫde bidimainogo te God eno nago Genuai Bidi eno nage mawainogo homu ebo tǫde bidagameo.”

Bomai Po 5:16

“‘Dage duga ida aya dologode elaluyu, tama augwaligo po wali piąo, te ena God, dagego Genuai Bidi, eno dagebolo wabo yali gilama. Tialima, dagego te tama sę eyu da, teda dagede tigidali sę wiegi yai mu pedelaibao. Tama dage eno megi te mabo te tǫde dage bobobage sogo mu bidaibao,’ wali.”

Pris Sę Ebo Bomai Po 20:9

“Te bidi me deligo me, o te we me deligo me, te aga ida ayabolo te dwai da te tiwai po weyu, ‘Godigo nage dolomainao,’ obaso da, teda dagego te bidi ma te we ela muao. Bidi ma wego te tobage po wali da, te aga yali sę dagede aga isimainao,” wali.

Matyu 15:4

Te Godigo te po wai, ‘Nago naga aya de ida sigo nogi ugwaba siyu, augwali sigo po wali pao’ wali, tama me ‘Te bidigo aga aya de ida si dali dwai po obaso da, teda te bidi aga ela muao,’ Godigo te po si wai.

Dwagi Yai Gesi Po Makgo Asęani 10:19

Nago te bomai po koneanio: ‘Nago te bidi ela mugio. Nago te penani sę egio. Nago nai wi sigio. Nago gasa bidibolo tibo po me olamuo. Nago tibo pode gasa bidigo doado bage anoma elama sigio. Nago te naga aya de ida sigo po wali pao,’ te bomai po dabe nago koneanio, te wali pao,” Jisasgo te po wai.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Bugagia Bidibo Kolesagade Po Asęai Buku 20:20

Te bidigo i ola mabo po te aga aya idabolo wali da, teda aga isaibao, te lam sole isiyu, te be hulia sabo tiwai gilama yaibao.

Bomai Po 27:16

“Te Livai dabego ma weyu, tama wao, ‘Tialima, te bidi mego aga ida ayago nogi dolai baso da, teda Godigo te bidi dolomainao.’ Tama te we bidi sesego te po waibao, ‘Mu tama dao. Godigo te tama timainao.’”