Dwagi Yai Gesi Po Makgo Asęani 6:6 - Godigo dwagi yai po buku

⁶ Tama te we bidi augwaligo agade konealubo po dąų wasiąyu, tama augwa homu agaba tialusiąbaso, te aga noma siyu midigi sali. Te Jisasgo te Nasaret hanu tagalama, tama aga te bulu pedai dabeba biligi pelama, tama agai te Godigo po te we bidi dabe augwalibolo ola mena mena bilai dao.

Dwagi Yai Gesi Po Makgo Asęani 6:6 Referans Kwoze

Matyu 9:35

Te Jisas te genuai hanuba me te dwasianu buluba me biligi piduai. Agai te we bidi augwali te augwa bomo yai po ola mabo be tomode te agai aga po ola mani. Agai te Godigo we bidi tonalubo sęde dwagi yai gesi po pusali, tama agai augwali tigide elalubo haniani gasi tigidali usu ma ilai dao, te tigi bomo meni yai gasi me silama, te we bidi dwagi yai ma ilai dao.

Matyu 8:10

Jisasgo te po odama, tama aga homu noma siyu, tama agai aga wali asobo we bidi dabebolo te po wali, “Eno mu po dagebolo obao, eno te Israel we bidi hanide te tobage konealubo po dąų wai bidi tiwai me deli eno subeo. Menio.

Dwagi Yai Gesi Po Lukgo Asęani 13:22

Te Jisas te Jerusalem be naniba pabo ma gagalali. Tama peyu, tomode dwasianu be nani dabeba saboloyu, tama agai te we bidi dabebolo Godigo po ola mani.

Godigo Sęba Tagala Palai Bidigo Po 10:38

Te po duga digi koneai dao. God agai te Nasaret bulu bidi Jisas sa muai. Tama Godigo agai Dwagi yai Mobo Bidi dali, bomo dali si agabolo mawai dao. Tama Jisas aga tigidali bulu bilama, dwagi yai sę ela bilali, tama agai Satango dolai we bidi agai dwagi yai ma ilali. God aga dali bidibaso, te tobage sę yali.

Aisaia 59:16

Te aga dwai midigi siyu, te tiwai suali, te gasa bagego dolali bidi dabe te tau sabo bidi elalubo subeo. Tama tibaso, te aga bomogo digi, te aga doloba pai kolesagago digi, te Genuai Bidigo augwali ma selama, te augwali bugagia bidimainogo ilai dao.

Dwagi Yai Gesi Po Jongo Asęani 9:30

Te gedu widai bidigo te Juda bagego tobolu bidi dabebolo te po wai, “Te bidi noma sabo sę yali bidi dao. Aga menadu asaliwe, te dagego konesiąwai goli, agai eno gedu si dwagi yai ilali.

Matyu 4:23

Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao.

Jeremaia 2:11

Te hani bagego augwa god te god mu menio. Tiali goli, te hanigo augwa te god hasegelama, te gesi god wali me pabeo. Ena God, eno te genuai nogi dali bomo dali si elalubao, tiali goli dage we bidigo te ena hasegelama, te dage tau sisą yabo dwai god dabe wali pidubo dao.

Dwagi Yai Gesi Po Lukgo Asęani 4:44

Tama aga te po Juda dabego bomo yai po ola mabo be dabe tomode ola maduali, te Juda dabego tǫde.

Dwagi Yai Gesi Po Lukgo Asęani 4:31

Te bidi Jisas Galili bulude be nani me nogi Kaperneamba dulali. Tama te Sabatde we bidi Godigo po ola maduali, te Juda dabego bomo yai po ola mabo be tomode.

Dwagi Yai Gesi Po Makgo Asęani 1:39

Tama olama, aga te Galili tǫ pedai tigidaliba pelama, tama agai te wiegi yai po te augwaligo bomai po odobo lotu be dabe tomode pusuyu, tama agai te dwai haubo noma bidi dabe sela sąyu yai.

Dwagi Yai Gesi Po Makgo Asęani 10:1

Te Jisas hogodama, te bidali bulu taga peyu, tama aga te Judia provins tǫ pedai badu te pabo ąį Jordan pedai u badu pai. Tama we bidi hauwa agaba ma sisinagasali. Tama agai te aga ebo kolesaga wali peyu, tama Godigo po te augwalibolo ola mawai.