Dwagi Yai Gesi Po Makgo Asęani 6:41 - Godigo dwagi yai po buku

⁴¹ Tama agai te a naga bret dali te sųgų si me sali. Tama agai te dagaluba tonaludama, tama puba hwi po Godibolo walio. Tama agai te bret pebedama, tama te aga wali pabo bidi dabebolo menama, tama augwaligo te we bidiba dobaba pali. Tama te sųgų si me tologolama, tama te tigidali we bidiba dobaba palio.

Dwagi Yai Gesi Po Makgo Asęani 6:41 Referans Kwoze

Matyu 14:19

Tama agai te we bidi augwalibolo po olama, augwali te noswaide duada pao te po wai. Tama agai te a naga bret badi te sųgų si dali selama, tama agai dagaluba ugwaba tonaluyu, aga Ayabolo nage usu dao po wai. Tama agai te bret pedama, tama aga wali pabo bidi dabebolo menama, tama aga wali pabo bidi dabego te we bidi augwalibolo te nai dobaba pai.

Dwagi Yai Gesi Po Makgo Asęani 7:34

Tama agai te dagaluba tonaludu, tama mobo bomonama ponani, te aga homude gela wabo tiwai elama, tama agai agabolo weyu te po wai, “Efata!” po wai. Te tiwai wali, “Nago olo dala pao,” wai.

Dwagi Yai Gesi Po Lukgo Asęani 24:30

Nosali augwali nai tuainogo, tama Jisas augwali si dali dulaluai. Tama Jisasgo te giguai nai bret selama, Godibolo hanaluyu usu da wai, tama te nai togolama, augwali sibolo mawai, Jisasgo.

Dwagi Yai Gesi Po Lukgo Asęani 9:16

Tama Jisasgo te bret a naga badi, sųgų si badi selama, dagaluba tonalu, Godibolo nage usu dao wali. Nage usu da olama, te nai pebedama, Jisas aga dali bidibo bagebolo menama, te bagego ma te we bidi dabebolo doboba pali. Te tibadi yaide, te tubo nai kua pali. Augwaligo te nai tulama, tabiali.

1 Samuel 9:13

Tama dage si te taun tomoba pabo sogo, te dage sigo aga sueibao, magi baso meni, aga te taunde me bididuaibao, tama aga te bulu duba nai tugi peyu pabeo. Agai te we bidi meba te ofa yali kibu mi tuagasomainu i wali. Tiali goli, te augwaligo agabolo asomainu tonalu, te aga sabalubo si te nai tueibao. Te aga asobo si da, teda agai te Godiba hanalu, te ofa wiegi yai ilimainu elama, tama nosali augwa te nai tueibao. Dage si asesa polo pobaso da, te dage sigo aga subaso usu yaibao,” wali.

1 Korin 10:31

Te dage tomode bidi me deligo te po obaso, eno e po agabolo wei ponaibao, te dagego te nai tuyu me wę tuyu ebode, ma dage gasa sę ebo si da, dagego gasa we bidide homugo koneao, augwaligo Godigo nogi ugwaba somainogo eyu dagego duga kolesaga tigidali tama bugagia tiao.

Dwagi Yai Gesi Po Jongo Asęani 17:1

Te bidi Jisasgo te po aga bidi dabebolo olama, tama agai dagaluba tonaluyu, te po wai, “Aya, te bodolu muani sogo pedalalio. Tama eno nagebolo te genuai nogi momainogo, tama nago enabolo te genuai nogi mao,” Jisasgo aga Aya God dali te po wai.

Dwagi Yai Gesi Po Jongo Asęani 11:41

Te agai te masigi sela sąyao te po obaso, augwaligo te masigi sela sąwai. Tama Jisasgo dagaluba tonaluyu, te po wai, “Aya, eno nagebolo nage usu dao obao. Nago eno hanalu wali po nago odai dao.

Dwagi Yai Gesi Po Makgo Asęani 14:22

Augwali te Pasova nai tutuladubadi, tama Jisasgo te bret me deli selama, tama Godiba puba hwi olama, tama pebedama, tama augwalibolo mani. Tama agai te po wai, “Dagego sela tuao. Te eno tigi dao.”

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Polgo Po Pas Rom Dabeba Asęani 14:6

Bidigo homugo deli sogo te polalubo genuai sogo da homu eyu da, te bidigo te Genuai Bidigo nogi ugwaba somainogo tama tebo dao. Te tigidali nai tubo bidi me, te bidigo te Godibolo te tubo naide puba hwi po obaso tama te nai tubo si agai te Genuai Bidigo nogi tama ugwaba sabo dao. Me ma, te tigidali nai me tusiąbo bidi me, agai te Genuai Bidigo nogi ugwaba siyu, tama Godibolo te puba hwi po weyu ebadi, aga nai meba tubo menio.

Dwagi Yai Gesi Po Jongo Asęani 6:23

Tama augwaligo homu hauwa ebadi yaide, Taiberius bulu du asai geba meba teba poloba tuagasai, te Genuai Bidigo Godibolo nage usu da olama, tama te we bidi hauwa augwaligo nai tuali madigi pąba.

Dwagi Yai Gesi Po Jongo Asęani 6:11

Augwali duada pao olama, augwali dualaluai, tama Jisasgo te ogwago bret selama, tama Jisasgo Godibolo nage usu dao wai. Tilama, te we bidi augwalibolo te nai dobaba pai. Te sųgų si me agai tama naga tiwai agai augwalibolo mawai, augwa homugo usu yabo te tiwai naga.

Matyu 26:26

Augwali nai tudubadi, tama Jisasgo te bret selama, tama Godibolo nage usu da po olama, tama nogogo pebedelama, tama aga wali bilibo bidi dabebolo mani. Tama agai te po wai, “Dagego selama tuao. Te eno tigi dao.”

Matyu 15:36

Tama agai te bret a naga olama me badu nogo si badi, te sųgų dabe sobadi elama, tama agai Godibolo nage usu da po olama, tama te nai pebedelama, tama aga wali pabo bidi dabebolo madubadi, tama augwaligo te we bidibolo te nai dobaba pai.

Bomai Po 8:10

Tama me dagego tuabo homu ebo nai dagego saibao. Tama dagego agabolo buba hwi po waiagameo, te agai te wiegi yai bulu dagebolo manide,” te po wai.

Godigo Sęba Tagala Palai Bidigo Po 27:35

Tama te po olama, Pol agai te bret nai selama, te bidi dabe gesabidide Pol agai Godibolo nage usu da olama, te nai nogogo pebedama, tubo gagalali.

Dwagi Yai Gesi Po Makgo Asęani 6:40

Tama te we bidi tigidali augwali duada pali, tama te wasisi pelama, duada pali hani me badu te bidi sese a naga 100 bidi duada pobadi, te meba duada pali hanide te bidi si olama nogo si 50 bidi bidada pali.

Dwagi Yai Gesi Po Makgo Asęani 6:42

Tama tigidali augwali te nai tudu pali te usu mu yalio.

Dwagi Yai Gesi Po Makgo Asęani 8:19

Eno te a naga bret te bidi sese hauwa umabo 5,000 bidi te nai pebedama mani sogo, dagego te nisu naga bonou wa basket te me badu munaluali bretgo pągąwai dawe?” Tama augwaligo te po wai, “Te nogo si olama sągągo si da,” wali.