Dwagi Yai Gesi Po Makgo Asęani 6:37 - Godigo dwagi yai po buku

³⁷ Jisasgo augwaliba te po wei ponani, “Duga digi te augwali nai maiąo.” Tama augwaligo agabolo te po wali, “Te nago homugo dago te bidi sese a naga 200 kina monego dago te bret abelegi pomainogo eyu obawe?”

Dwagi Yai Gesi Po Makgo Asęani 6:37 Referans Kwoze

Israel Hanigo Namba 11:13

Te we bidi augwali hasa dabe hagede gela olama, enabolo hanalubo. Tiali goli, eno te hasa dabe menade sogowe? Ena usu munu me egobeo.

Dwagi Yai Gesi Po Lukgo Asęani 9:13

Tiali goli, Jisasgo augwalibolo te po wali, “Tuabo nai duga digi mao.” Augwaligo wei ponoyu, te po wali, “Dago bret a naga badi, sųgų si badi elama naga, munalubao. Moni we bidi dabego tuabo nai dabe dago abelegi pomainu obawe?” (Tama tede bidibo bidi dabe namba nedebo te umabo mu, te 5,000 dao.)

Matyu 14:16

Tiali goli Jisasgo augwalibolo te po wai, “Magi baso augwali pomainogowe? Duga digi augwali nai mao.”

Te Israel me Juda Hani Sigo Tuni Bidigo Po Elalubo Buku Si 7:2

Tama te king tonaluyu tau sabo gavman ofisa bidi me deli aga te king dali asali. Te bidigo te Elisago wali po odali, awe, tama agai te po wei e tama ponani, “Tagalao. Tialima, Genuai Bidi God aga digi te dagalude elalubo moni bakstua tų dalama, te umabo nai daba gealugi sogo da, teda eno homugo dago e tiwai dwasianu monego dago nai abelebo me usu egi menigi da,” wali. Tama Elisago te gavman ofisa bidibolo te po wai, “Mu tama dao, tama nago te nai pedalobo suagameo, tiali goli nago te wit nai dabe munu me tugobeo,” Elisago te po wai.

Matyu 18:28

“Tama te sę tonalubo bidi buluba solama, tama aga te gasa sę tonalubo bidi me deli aga abagi me suali, tama agai te bidibolo negeli polobadu mane pololai masigi nogo si elaluai. Tama agai aga abagi te bidi dogoniba kęą sigi pelama, tama bomo eyu, te bidi poma peyu, tama agai agabolo te po wai, ‘Nago negeli sali mone tigidali wei enabolo ponao.’

Dwagi Yai Gesi Po Makgo Asęani 6:36

Nago te we bidi augwali tagala palao. Augwali peyu, te be nani dabeba pomainao, tama augwa tuabo nai abelegi pomainogo tagala palao,” te po wali.

Dwagi Yai Gesi Po Makgo Asęani 6:38

Tama agai augwalibolo te po wali, “Dagego nisu naga bret munalubowe? Dage pelama sugi piąo.” Augwaligo sula selama, tama augwaligo te po wai, “Dago te bret a naga, me te sųgų si te tama elalubao.”

Dwagi Yai Gesi Po Lukgo Asęani 7:41

Jisasgo tama gagalali, “Gasa bidigo bidi me sibolo mone negeli mani. Bidi mebolo 100 kina mobadi, mebolo 10 kina mayu yali.