Dwagi Yai Gesi Po Makgo Asęani 6:30 - Godigo dwagi yai po buku

³⁰ Te Jisasgo tagala palali po sela pali sę bidi dabe augwaligo sę silama, tama ma begasa aselama, tama augwali Jisas dali deliba sisinani. Tama augwaligo te egi pali sę po miani, tama tigidali po augwaligo te we bidibolo ola mani po wai.

Dwagi Yai Gesi Po Makgo Asęani 6:30 Referans Kwoze

Dwagi Yai Gesi Po Lukgo Asęani 9:10

Jisasgo tagala palali bidi dabe augwali Jisas pageba ma sabolama, te augwaligo yali sę po dabe ma pusagasali. Tama Jisasgo augwali oda selama, pali. Te gasa we bidi dabe bidibadi tagalama, te augwali naga te hanu me deliba pali. Te hanu nogi Betsaida dao.

Matyu 10:2

Te 12 bidi nogi te e dao: hasia bidi aga nogi Saimon, te aga gasa nogi Pita, tama me aga ama nogi Andru dali. Tama Jems me aga ama Jon dali, augwali si te Sebedigo ogwa si dao.

Dwagi Yai Gesi Po Lukgo Asęani 22:14

Te Pasova nai tuabo sogo pedalali. Tama Jisas te beba aselama, te aga te nai tuabo ni namide dua yali, te aga po sela pabo bidi dabe te aposel bage augwali me tede dua yali.

Dwagi Yai Gesi Po Lukgo Asęani 17:5

Te po sela pabo bidi augwaligo Genuai Bidi Jisasbolo te po wali, “Dena homu kolesaga nageba muani digi, da usube. Da tau sao, dena homu kolesaga tigidali nageba mumainu. Te tiwai munama, te usu yaibao,” te po wali.

Dwagi Yai Gesi Po Lukgo Asęani 10:17

Te nosali Jisasgo te tagala palali bidi dabe dwagi yai homu mu dali Jisas pageba ma asali. Augwaligo te po wali, “Genuai Bidi, dwai noma haubo bidi dabego dago nago nogi olama, hage baso, dago po wali pali.”

Godigo Sęba Tagala Palai Bidigo Po 1:26

Tama olama, augwaligo Matias dali Jastus dali sigo nogi yai nai dabe kapde munama, tama begelali, te Matiasgo nogi yai nai hasia asali. Tama tibaso, Matias nogo si olama, sągą deli bidi dabeba wadolai.

Dwagi Yai Gesi Po Lukgo Asęani 24:10

Tama te po wagi pali we dabe augwaligo nogi e dao. We me nogi Maria, te Makdala bulu we dao. Te we me aga nogi Joana. Te we me aga nogi Maria, aga ogwa nogi Jems. Te we dabe augwali bidai, augwali te we dabe dali gasa we dabe me bidai, te we dabe augwaligo te po Jisas aga wali pabo bidi dabe dali wai.

Dwagi Yai Gesi Po Lukgo Asęani 6:13

Tama te be posobo si, aga wali pabo we bidi aga pageba i olama, agai te bidi dabe nogo si olama, sągą me badu si dąį ilali. Tama nosali agai te bidi dabe “Eno tagala palabo bidi dabe da” wali.

Dwagi Yai Gesi Po Makgo Asęani 3:14

Tama agai nogo si olama sągągo si bidi sa munama, te augwali aga dali bidimainu yai. Agai augwali te wiegi yai po pusigi pomainogo tagala palabo homu elama,

Dwagi Yai Gesi Po Makgo Asęani 6:29

Te Jon aga wali pabo bidi dabego te wabo po odama, tama augwaligo aga tigi sagaselama, tama augwaligo te gų pageba pubaligi pai.

Tigidali Nai Gagalama Nigali Side 24:66

Tama ma sabolama, tama te sę bidigo agai yali sę po tigidali te Aisakbolo pusali.