Dwagi Yai Gesi Po Makgo Asęani 6:3 - Godigo dwagi yai po buku

³ Te bidi aga te be sę ebo kamda bidi naga dao, te dago koneani. Aga te we Mariago ogwa, tama aga ama dede da te Jems, me Josep, me Judas, me Saimon, te tama bagego ama gomunai bidi dao. Te aga abe dabe da dali ede bidibao.” Augwaligo te tiwai po olama, tama augwaligo aga dali dwai homu ela mani.

Dwagi Yai Gesi Po Makgo Asęani 6:3 Referans Kwoze

Matyu 12:46

Jisasgo po te we bidi augwalibolo madubadi, tama aga ida ama dede dali augwali aselama, bulu badu dolaluagasai. Augwaligo aga dali po miainogo asai.

Dwagi Yai Gesi Po Jongo Asęani 6:42

Augwaligo te po wai, “E bidi da, te Josep aga ogwa dao. Dago aga aya ida dali koneai dao. Magi baso agai te po megi wabowe, ‘Ena dagalu tagalama, e tǫba duali dao,’ wabowe? Agai po usubeo,” augwaligo te po wai.

Jutgo Asęani Pas 1:1

Ena Jut da, ena te Jisas Krais agai sę ebo bidi da, tama ena Jems aga amanu dao. Tama eno e po dage Godigo i wali we bidibolo asęna tolobao. Tama God dago Aya agai dage dali dwagi yai homu eyu, tama godolo mu ebo dao. Tama Jisas Krais me agai dage palibo dao. Augwali sigo dage dali tama tiyu, tama dage bugagia bidibao.

Galesia 1:19

Tama ena tede bidibadi, te Godigo po sela pabo bidi tigidali eno subeo. Te dago Genuai Bidi Jisas aga amanu Jems deli naga bidibo eno suai, Pita dali.

Matyu 11:6

Tama bidi enade homu si isiąma tama ena aga tudiba musiąbo bidi, te bidi aga wiegi yai homu pemene yao,” Jisasgo te po wai.

Godigo Sęba Tagala Palai Bidigo Po 1:13

Tama augwali Jerusalem tomoba pelama, beba sabolama, augwa osogo bidigi pabo be habuba ugwaba holali. Tama te bidi dabego nogi e dao, te Pita, Jon, Jems, Andru, te Filip me, Tomas me, te Bartolomyu me, Matyu me, te gasa me Jems, aga aya nogi Alfius, te Saimon, te independes sainu ebo hani bidi me, te gasa Judas me, aga aya nogi Jems.

Dwagi Yai Gesi Po Makgo Asęani 15:40

Te we dabe meba me te digibulu gana dwasianu dodolalu, tama augwaligo me tononaluali. Te augwali tomode bidali we me deli te Makdala moni tǫ we Maria dao. Tama we me deli te Maria, te nogi sabi si wali, te bidi Jems me Joses tega sigo ida. Te bidi Jems aga nogi me Gesi Bidi dao. Tama we me deli aga te Salome dao.

Dwagi Yai Gesi Po Jongo Asęani 14:22

Te Jisasgo te po obadi, tama gasa bidi Judas, aga te Keriot bulu bidi menio, te bidi agai Jisasbolo te po wai, “Genuai Bidi, magi ilama, nage dago gedude hania pedalaibawe, tiali goli, nage tǫde hulia sai we bidi gedude hania pedalogobewe?” Judasgo Jisas dali te po wai.

Dwagi Yai Gesi Po Lukgo Asęani 7:23

Tama bidi enade homu si isiąma tama ena aga tudiba musiąbo bidi, te bidi aga wiegi yai homu pemene yao,” Jisasgo te po wai.

Dwagi Yai Gesi Po Lukgo Asęani 2:34

Simeongo Godigo bugai homu Jisas dali aga aya de ida si augwalibolo me ilao wali. Agai Jisas aga ida Mariabolo te po wali, “Odiąo. E waigo pode Israel we bidi hauwa augwaligo God taga paibao. Tama hauwa bage me augwali God pąba asaibao. Te aga dąį tiwai me deli nigalueibao, tama bidi hauwago agabolo dwai po waibao.

Aisaia 49:7

Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.

1 Pita 2:4

Te eno megi te bede po digi po begelama obao. Dage te dago Genuai Bidi Krais aga pageba asiąo. Aga da te bidabo ula elalubo masigi tiwai dao. Tama bidi dabe augwaligo agade ‘Te olo masigi dao’ homu eyu, aga sela sąwai goli, te Godigo gedude aga da te wiegi yai masigi mu dao, te Godigo aga deli hagea sali.

1 Korin 9:4

te eno ebo sęde te Godigo po odobo we bidi augwaligo augwa doado bagego ena tau sobaso da, te dolo dawe ma meniwe? Te dolo mu dao.

Dwagi Yai Gesi Po Makgo Asęani 3:18

Tama gasa sa muani bidi dabego nogi Andru, me Filip, me Bartolomyu, me Matyu, me Tomas, me Jems te Alfiusgo ogwa, me Tadius, me Saimon te Kenan tǫ bidi,

Godigo Sęba Tagala Palai Bidigo Po 12:17

Pitago agai nogo paliama, “Dage po tagalao,” te po wai. Tama Genuai Bidigo aga kalabus bede buluba dią palama soali po augwalibolo pusa mani. Agai te po augwalibolo wali, “Te po dagego Jemsbolo pusao, te Jisasgo po wali pabo tobolu bidi dabebolo me pusao,” wali. Tama olama, Pita te be tagalama, gasa beba pali.

Dwagi Yai Gesi Po Lukgo Asęani 8:20

Mebago Jisasbolo te po wali, “Naga ida me, naga ama dabego me nage sueo olama, bulu badu e dodoladubao,” wali.