Dwagi Yai Gesi Po Makgo Asęani 6:24 - Godigo dwagi yai po buku

²⁴ Tama te wegi buluba solama, tama aga idabolo hanalugi soali, “Te eno mena nai sai po wagawe?” Tama aga idago te po wai, “Nago te we bidi baptais mani bidi Jongo tobolu sabo po wao,” te po wali.

Dwagi Yai Gesi Po Makgo Asęani 6:24 Referans Kwoze

Jopgo Po Asęani Elalubo Buku 31:31

Eno sę bidi dabego e tama wabo dao, ‘Agai tigidali bidi nai mawai dao. Bidi me nai meni yai bidai menio,’ augwaligo te po wabo dao.

Godigo Nogi Ugwaba Sabo Tęąbi Po Wabo Buku Dabe 37:14

Te dwai sę ebo bidi dabego te bainat hwą dią siyu, tama te enesigi kegelama, te nai meni yai bidi dabe, me te magi doado bage sǫą pabo bidi dabe enainu yaibao. Augwaligo te doloba pai kolesaga wali pabo we bidi dabe ela muabo homu ebo dao.

Godigo Nogi Ugwaba Sabo Tęąbi Po Wabo Buku Dabe 37:12

Te dwai sę ebo bidigo te wiegi yai bidi dolabo homu eyu, te wado po wabo dao.

Godigo Nogi Ugwaba Sabo Tęąbi Po Wabo Buku Dabe 27:2

Te dwai sę ebo bidi dabe ena pąba aselama, tama dolainu usu sobaso da, te bidi dabe augwa digi sągą tǫ dedageba tuloliyu, habala paliyu, augwa digi augwa ma dolaibao.

Matyu 14:8

Tama te wegi aga idago agabolo te homu kolesaga mani, tama agai te Herotbolo te po wai, “Nago te we bidi baptais mani bidi Jon elama, aga mage togolama, tama aga tobolu te pou me delide munama, tama selama, enabolo eba magasao,” te gesi wego te po wai.

Matyu 3:1

Te nosali augwali te Nasaret hanude bididubadi te Jon, te baptais mabo bidi aga pedelai. Aga te Judia tǫ tomode te bidi meni yai bulude bidali, tama agai te po augwalibolo pusali,

Dwagi Yai Gesi Po Makgo Asęani 6:23

Tama Herotgo agai po dąų wabo po bomonama weyu, agai agabolo te po wai, “Mu tama dao, nago mena nai po enabolo hanalu wali, te eno nage mawaibao. Te nago eno te we bidi tonalubo te bomo tomode togolama, te nage mao po obaso da, teda eno nage mawaibao,” agai te gesi wegibolo te po wali.

Dwagi Yai Gesi Po Makgo Asęani 6:25

Tialima, te gesi wegi polo ma te tuni bidi pageba ma asama, tama te po agabolo wali, “Megi naga tama eno homugo nago te baptais mani bidi Jongo tobolu te pou me delide munama, tama nago enabolo mao,” wai.

2 Samuel 13:5

Tialima, Jonadapgo Amnonba te tama po wali, “Nage te gasi ebo tiwai elama, te naga betba pila mugi pao. Tama naga ayago nage suagasobo sogo da, teda nago te tama tiwai po agabolo walao, ‘Eno homugo te nago eno abe Tamar te enaba tagala palama, te eno gesabidiba te nai ulagasomainu yao. Tama aga te nai ulali silibo si, te aga digi enaba magasomainu yaibao.’ Nago te king tibo po ola mayu, te tama po obaso da, teda agai te Tamar nageba tagala palaibao.” Jonadapgo te po wali.