Tiali goli, augwaligo homugo te po pusubo po odobe. Augwaligo agade sębę yali, tama augwaligo aga dali dwai po mu wali. Tama tibaso, Pol aga tama kolesaga yali, agai nogogo te aga gudali ugwade elaluali pobele bage tedala sąyani. Tama tiyu agai te dąį yali, agai nosali augwali ma homu egobeo olama, te sę yali. Tama agai augwalibolo po walali, “Tialima, nosali dage hagawai baso da, duga sę dao,” wali. “Eno sę menio. Tialima, megi eno dage taga peyu, eno te Israel hani isąwai bidi dabebolo Godigo po pusa mawaibao,” te po wai.
Dwagi Yai Gesi Po Makgo Asęani 6:11 - Godigo dwagi yai po buku11 Tama te meba bulude te augwaligo dage te augwa beba dage sela pisąma, tama augwaligo dagego po odisąyu ebaso da, teda dagego te bulu taga peyu, tama te dagego sągąde elalubo pobele bage sela sąyao. Tama tiyu augwaligo te augwa dage dali yali dwai kolesaga homugo kone palomainao,” agai te po wai. Gade chapit la |
Dwagi Yai Gesi Po Makgo Asęani 6:11
20 Referans Kwoze
Tialima, megi da, eno te kukulu tiwai elama gudali te nami ugwa pedai peda sabo side tama te elaluali nai dabe memenege elama, te augwali tulaluali. Tama eno te tobolu bidi dabe augwaliba te tama po wali, “Te dagego te megi tama dąų walali po te dagego wali me pisąbaso da, teda te Godigo dage me memenege ilama, tama te dagego be dabe me tigidali nai te dobola selama, tama dage e nami ugwa tiwai olo mu elalueibao.” Tama tigidaligo te tiwai po wai, “Dwagi yai dao. Godigo te tiwai emainao.” Tama augwaligo te Genuai Bidi nogi ugwaba sali. Tama augwa beba ma pelabo sogo, augwaligo te augwa dąų walali po wali pai dao.
Te polobadu elaluali moni hanu si me, te nogi Sodom dali, Gomora dali, te hanu side pedalali dwai sęgę dagego ma konea palao. Tede bidali bage me, te hanu si pąde elaluali dwasianu bulude bidali bage me, augwali tigidaligo te ensel mobo bidi mebago yali dwai dwai penani ebo sę tiwai yali. Augwali penani sęde bidaluali, tama augwaligo homu hodaloama, tama augwali te sę bomo elama eyu pobeasa pali. Tama tibaso, Godigo augwali te moni sia te dagaludu tagala palali, tama augwali te siago ela silai. Tama dago augwalide te yali sę sulama, tama dago koneai dao, te tobage dwai dwai sę dago ilamuo, da te dene sidali weyu.
Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.
Tama agai te Sodom dali Gomora dali si me dene ilai. Te genuai hanu si Godigo siago ulai, tama te keli naga elaluai dao. Agai te hanu sigo yali dwai kolesaga wei ponama tama te hanu si tigidali mu dolai. Tama nosali, te Godigo po tudiba mubo bidi dabe, augwaligo te polobadu yali po tų konemainao. Te po tų nosali augwaliba pedalabo te piksa noma waseliyu yali dao.
Eno te Godigo wiegi yai gesi po te we bidibolo pusubo si eno e po me pusubo dao. Odao, te Godigo te aga bomai po mani bage me, te bomai po sisąwani bage me augwali tigidali dali Godigo te po tų nosali yaibao. Tama tiyu agai te po tų dodolobo sę te Krais Jisasgo nogoba muyu, tama te bidi dabego geme ebo kolesaga osola suyu yaibao.
Tiali goli nago naga homu mu palia selama, tama nago homu me begelebeo. Tialima tebo kolesagago te nago te dwai dene sabo sę ebo te pesage genuai holobao, te mone ge sabobo piduai tiwai. Te nosali te bodolu mani side te Godigo doloba pai po tų ebode te agai sębę hania haninama pedalaibao, tama nage te dwai dene te sogo saibao.
Te dage hanu me deliba pobadi yaide, te hanude bidibo we bidi augwaligo beba dage odasa pisąma, tama dagego wabo pode dwagi yai homu isąbaso da, te hanu bulu taga soao. Te dage soai hagede, te augwa kolesaga geda muani koneama sumai hagede, duga sągąde elaluali pu hola sąnama, taga soao,” Jisasgo te po wali.
Piblisite