Dwagi Yai Gesi Po Makgo Asęani 5:6 - Godigo dwagi yai po buku

⁶ Te agai Jisas te digibulu bidibadi digi sulama, tama aga udada asama, tama aga pageba kidu sugunagasali.

Dwagi Yai Gesi Po Makgo Asęani 5:6 Referans Kwoze

Jems 2:19

Tama nago konealubo po dąų wabo homu tama yai, “Te God deli digi bidibao,” wai. Te homu wiegi yai dao. Tama tiali goli te usu menio. Te dwai haubo noma bidi augwaligo me te homu tiwai ebo dao, tama te pode augwali homu didibili eyu midigi sabo dao.

Dwagi Yai Gesi Po Lukgo Asęani 4:41

Dwai haubo dabego we bidi hauwa taga pali. Tama te dwai haubo dabego hai olama, te po wali, “Nage Godigo Ogwa dao.” Augwaligo koneani, Jisas te Godigo we bidi tau somainu sa muani bidi Krais da. Tama tibaso, augwaligo te po te we bidibolo waidali weyu, agai augwaligo po tomode togwa sąyani.

Godigo Nogi Ugwaba Sabo Tęąbi Po Wabo Buku Dabe 66:3

Dago te tama po Godiba wainao, “Te nago ebo sę tigidali te wiegi yai mu ebao. Te nago bomo genuai ugwanu mu igulai elalubao, tama nago boi bidi dabe te wi mu elama, tama augwali te nago gesabidiba pibia sagaselama, te kidu sugunagasobo dao.” Te tobage po wainao.

Godigo Sęba Tagala Palai Bidigo Po 16:17

Tama te wegigo agai da dali Pol dali sulama, wali asali. Wali asobadi, agai po bomonama mu wali, agai te po weyu, we bidi dabebolo te po wali, “E bidi dabe te Genuai Bidi Godigo sę ebo bidi dao,” wali. “Augwali asali da, dagebolo Godigo dage ma sabo tų po ola mawai hagede asalio,” te po wai.

Godigo Nogi Ugwaba Sabo Tęąbi Po Wabo Buku Dabe 72:9

Te masigi kemi tǫ yai bulude bidalubo hani bage dabe, teda augwali te king dologode bidaibao. Tama aga boi bidi dabe te tǫba dolo pigulaibao.

Dwagi Yai Gesi Po Makgo Asęani 5:5

Te sesemane sogo giligade me hulide me aga te gų pagede me bulu dude bidada biliduai. Tama agai i dwai olama, tama aga tigi te aga digi masigigo tologobo sę iduai.

Dwagi Yai Gesi Po Makgo Asęani 5:7

Agai bomo elama mu i weyu, te po wai, “Jisas, nage ugwade bidibo Godigo ogwa mu, nago magi sę enade yainogo ebawe? Eno te Godigo nogide nagebolo hanalu obao, nago te dene enabolo me magio,” te po wai.