Dwagi Yai Gesi Po Makgo Asęani 5:4 - Godigo dwagi yai po buku

⁴ Te hauwa sogo augwaligo te hankapgo me sengo nogo sągą duyu yali. Tiali goli agai te hankap me sen me togwa sąwani. Agai te moni bomo mu eyu, tama bidi mego aga tuainu ebo te usu me isąwai.

Dwagi Yai Gesi Po Makgo Asęani 5:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 105:18

Augwaligo te sen aga sągąde dąų olama kęai, tama aga sągą dene yai. Tama augwaligo te genuai ain aga dogonide dąų wai.

Dwagi Yai Gesi Po Makgo Asęani 5:3

Aga te gų pagede pilala bilai. Tama te bidi me deligo aga dąų wabo te usu me isąwai. Te sengo me usu me ebeo.

Dwagi Yai Gesi Po Makgo Asęani 5:5

Te sesemane sogo giligade me hulide me aga te gų pagede me bulu dude bidada biliduai. Tama agai i dwai olama, tama aga tigi te aga digi masigigo tologobo sę iduai.

Dwagi Yai Gesi Po Lukgo Asęani 8:29

Jisasgo dwai haubo pomainu gudulu baso, te bidigo te po wali. Polobadu hauwa sogo bidi dabego te bidi aligabo bidilama, kalabuside muani. Mubadi goli, dwai nomago tulama, dią paludali. Tama te dwai haubogo te bidi te bidi meni yai bulu tomoba sela piduali.