Dwagi Yai Gesi Po Makgo Asęani 5:34 - Godigo dwagi yai po buku

³⁴ Tama Jisasgo agabolo te po wai, “Eno wegi, te naga enade konealubo po dąų weyu, enaba homu tialubo kolesaga ebogo te nage usu ma ilali dao. Nage pao, tama naga homu nagame wiegi yai elaluao. Nago gasi silimainogo yai,” te po wai.

Dwagi Yai Gesi Po Makgo Asęani 5:34 Referans Kwoze

Dwagi Yai Gesi Po Lukgo Asęani 8:48

Tama Jisasgo te webolo te po wali, “Eno wegi, naga enaba homu konealubo homu bealubogo nage te usu ilaliąo. Dwagi yai homu elasa pao,” wali.

Matyu 9:22

Te Jisas begelama, te we suali. Agai te webolo te po wai, “Eno wegi, nago homu te tegaluama bidao. Nago konealubo po enade dąų waibaso, nago tigi ma usu ilali.” Tama Jisasgo te po obadi yaide, polo tama te we dwagi yai ma yali.

Dwagi Yai Gesi Po Lukgo Asęani 18:42

Tama Jisasgo te po wali, “Suao. Nago enade tia sobaso, nago gedu dwagi yai ma ilai dao,” wali.

Dwagi Yai Gesi Po Lukgo Asęani 7:50

Tiali goli, Jisasgo te webolo “Nago enaba homu beagasaligo nage sana palali dao. Nage dwagi yai homu dali pao,” wali.

Dwagi Yai Gesi Po Makgo Asęani 5:29

Tama te deli sogo naga, te aga kaneme yali te togwa siyu tama wa sali, tama aga tigide te gasi pela silali homu yai.

Godigo Sęba Tagala Palai Bidigo Po 14:9

Tama agai dugulalu, Polgo wabo po odali. Tama Pol agai suali, te bidi agai homu tigidali te Jisasba bugagia muani kolesaga te usu yali, aga dwagi yai ma ilainogo elalubo usu da homu yali. Tama Pol agai te bidi gedugo bomonama dolo ponama tonaluali.

Dwagi Yai Gesi Po Lukgo Asęani 17:19

Tama Jisasgo te nage usu dao wagasali bidibolo te po wali, “Nago naga homu kolesaga tigidali enaba mubaso, teda nago tigi sese ma yali dao. Tama tibaso, hodaloyu, naga beba pao,” wali.

Dwagi Yai Gesi Po Makgo Asęani 10:52

Tama Jisasgo agabolo te po wai, “Nage piduao. Te naga enade konealubo po dąų olama, naga homu enaba tialubo kolesaga ebogo te nage wiegi yai ma ilibao.” Te tama polo te aga gedu usu elama, tama aga bulu ula ma suali. Tama agai te Jisas dali te sunumidu wali pai.

Matyu 9:2

Tama augwaligo gasi bidi me deli aga pageba tolasa asali, te bidigo sągą tigi dili tigidali mu isai, tama aga te gologobe wade pila muai. Tama augwaligo konealubo po agade dąų wali sulama, tama agai te gasi bidibolo te po wai, “Ogwa, nago homu ma tegaluama bidao. Eno nago yali dwai sę sęgę sela sąbao,” Jisasgo te po wai.

Te Israel me Juda Hani Sigo Tuni Bidigo Po Elalubo Buku Si 5:19

Tama Elisago te po wai, “Nago haliga sęgę egio,” wali. “Nago haliga tegaluama, tama nage pao,” wali. Awe, tama te Namango Elisa taga pali. Tialima, Naman digibulu pisąbadi,

1 Samuel 1:17

Tialima, Eligo te po odama, tama agabolo te po wali, “Tagalao, nage homu nagame elama, tama nage pao. Tama Israel dena Godigo nagebolo nago te hanalubo nai mawaibao.”

1 Samuel 20:42

Tialima, Jonatango Devitbolo te po wai, “Nage te wiegi yai homu nagame dali pao. Dago te Genuai Bidigo nogide te po dąų waliyu, te dena digi dena bugagia wiegi yai sesemane sogo ilao, tama nago hani me eno hani nosali pedalubo bage me, augwa me te tobage deli kolesaga emainu yaibao. Tama Genuai Bidigo dago te dąų walubo po odali, tama dago wali paibao.” Agai po ola siminama, tama Devit gasaba peyu, tama Jonatan te taunba ma begasa palio.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Dwagi Yai Gesi Po Makgo Asęani 3:10

Magi baso meni. Agai te gasi yai we bidi hauwa wiegi yai ma ilali, tama tibaso te gasa gasi yai we bidi dabego agaba bomonama kęą sai elaluai. Augwaligo agaba nogo muainogo homu yai.

Dwagi Yai Gesi Po Makgo Asęani 5:33

Tama te wego te sę agade pedelali koneama, tama aga wi eyu didibili dali yali. Tama tiyu aga asama, Jisas pąba kidu sugunagasama, tama te tigidali sę agade yali po te hanilama pusali.

Godigo Sęba Tagala Palai Bidigo Po 15:33

Tama augwali si tede hauwa sogo bidama, tama nosali Jisasgo po wali pabo hanigo tega si Jerusalemba ma tagala palali. Tama augwaligo te po wali, “Dage dwagi yai homu dali pao, te dage tagala palali bidi dabe pageba,” te po wai.

Godigo Sęba Tagala Palai Bidigo Po 16:36

Tama tibaso, te kalabus tonalubo tobolu bidi aselama, Polbolo wagasali, “Te Rom genuai bidi dabe augwaligo enabolo po ola tolalio, ‘Dage si megi pao’ po walio. ‘Dage si piąo, te po me menio,’ wali,” te po wai.

Jems 2:16

Tama tibaso dage tomode bidi me deligo te magi nai meni yai bidibolo te po weyu, “Nage homu wiegi yai elama bidao,” te po olama, “tama nage pelama naga tigi posolo ilabo ugwa mugi peyu, tama naga nai selama tuyu naga haliga pągąnao.” Tama dagego te po weyu da, te dagego te nai meni yai bidi ugwa me te nai me te bidi tigi tau selama masiąyu da, tama dagego te po wabogo te bidi mena tama aga tau sogowe? Te meni. Te usu egobeo.

Pris Sę Ebo Bomai Po 14:48

“Tialima, prisgo te be suagasobo sogo da, teda agai suali, te be wiegi yai elaluyu, te nai ma pedalisąbaso, te agai te tiwai po augwaliba walao, ‘Te be Godigo gedude wiegi yai elalubao.’ Magi baso meni, te oiyabe tiwai naigo te be dolali, te munu ma elalubeo.