Dwagi Yai Gesi Po Makgo Asęani 5:33 - Godigo dwagi yai po buku

³³ Tama te wego te sę agade pedelali koneama, tama aga wi eyu didibili dali yali. Tama tiyu aga asama, Jisas pąba kidu sugunagasama, tama te tigidali sę agade yali po te hanilama pusali.

Dwagi Yai Gesi Po Makgo Asęani 5:33 Referans Kwoze

Dwagi Yai Gesi Po Lukgo Asęani 8:47

Tama te wego agai yali sę Jisas agai aga sulama konebaso, te we didibili dali eyu, Jisas sągą pageba kidu sugunagasalio. Te we bidi tigidali gesabidide Jisasbolo Jisas aga tigi dią yani po pusali. Tialigo aga ma polo gesa pali po pusali.

Dwagi Yai Gesi Po Lukgo Asęani 1:29

Te wegi Mariago te po odobo si, aga homu tųą palio. Agai homugo e bidigo magi po nama wabowe, te homu yali.

Dwagi Yai Gesi Po Lukgo Asęani 1:12

Tama Sekaraiago Godigo ensel bidi dolalubo sulama, moni noma sali, wi yali.

Dwagi Yai Gesi Po Makgo Asęani 4:41

Tiali goli augwali wi dwai mu elama, tama augwa hasi tomode po mia siyu, te po wali, “Te bidi aga niwai bidi, tama te wali de wę dali sigo agai po odaliwe?” te po wai.

Godigo Nogi Ugwaba Sabo Tęąbi Po Wabo Buku Dabe 66:16

Dage te God dologode bidibo we bidi dabe, dage aselama, te eno po odagasiąo. Te eno dagebolo te tigidali sę po te Godigo ena tau selama, yali sę po waibao.

Godigo Nogi Ugwaba Sabo Tęąbi Po Wabo Buku Dabe 30:2

Genuai Bidi, nage eno God da, tama eno gedu haluasa po nageba olama, tama nago ena usu ma ilai dao.

Dwagi Yai Gesi Po Makgo Asęani 5:32

Tama dego te tialiwe nama, Jisasgo te we bidi tomode tonono bilali.

Dwagi Yai Gesi Po Makgo Asęani 5:34

Tama Jisasgo agabolo te po wai, “Eno wegi, te naga enade konealubo po dąų weyu, enaba homu tialubo kolesaga ebogo te nage usu ma ilali dao. Nage pao, tama naga homu nagame wiegi yai elaluao. Nago gasi silimainogo yai,” te po wai.