Dwagi Yai Gesi Po Makgo Asęani 5:23 - Godigo dwagi yai po buku

²³ Tama agai bomonama agabolo te tiwai po hanalu wali, “Te eno dwasianu wegi te pąde isabo homu yai. Nago agaba nogo muagaselama, tama aga usu ma igulama bidimainogo obao,” te bidi Jairusgo te po wai.

Dwagi Yai Gesi Po Makgo Asęani 5:23 Referans Kwoze

Dwagi Yai Gesi Po Lukgo Asęani 13:13

Te Jisas agai nogo si te tudi basia selama te sugą sali wego tigide mubaso, tama polo tama te we tudi debela palu bugagia dolugulualio. Tama te wego Godigo nogi ugaba sali.

Dwagi Yai Gesi Po Lukgo Asęani 4:40

Te giliga ge aba degasaide, te gasi yali bidi aga abagi dedego augwali Jisas aga pageba odasa aselawali. Tama agai nogo te gasi we bidi dononama, mumuna bilali. Tama augwali tigidali ma gesa pali.

Dwagi Yai Gesi Po Makgo Asęani 16:18

Te augwaligo augwa nogo te bidi gąų kelebo dwai hasamaniba mubaso, ma te konesiąbadi augwaligo te bidi isibo nai tubaso da, teda te hasamanigo me te isibo naigo me augwali dologobeo. Tama augwaligo nogo te gasi sai we bidiba mubo si da, tama te gasi sai bidi dabe usu ma yaibao,” Jisasgo te po wai.

Godigo Sęba Tagala Palai Bidigo Po 28:8

Tama te sogo te Publius aga aya moni gasi selama, bede pila mubo. Aga te gasi si sali, me haligadu kaneme yali, me tigide moni posolo yali. Tama Pol aga pelama, aga suali. Tama Polgo Godibolo po olama, agai nogo te gasi bidi toboluba muani.

Dwagi Yai Gesi Po Lukgo Asęani 4:38

Te Jisasgo te Juda dabego bomo yai po ola mabo be taga pelama, tama Saimongo be tomoba pali. Saimon aga au tigi moni posolo gasigo mu isai sęai pila muani. Te we tau somainu eyu, augwaligo Jisas i wali.

Dwagi Yai Gesi Po Makgo Asęani 8:23

Tialima, Jisasgo te gedu widai bidigo nogo tola selama, tama agai aga te buluba odasa soali. Tama agai te bidi geduba pesa sąnama, tama aga geduba te nogo ugwadu munama, tama agabolo hanalu wali, “Nago te nai me deli subowe, ma meniwe?”

Dwagi Yai Gesi Po Makgo Asęani 7:32

Tama augwaligo bidi me deli agaba selasa asali, te aga olo degebadi te hamena begelebadi yai elaluai. Tama augwaligo Jisasba hanalu te bidiba nogo diąyao po wai.

Dwagi Yai Gesi Po Lukgo Asęani 7:12

Te be naniba sabaligi pobadi, te isai bidi me deli te pubaligi peyu tolasa soabo sualio. Te isali bidi wilawe wego ogwa deli digi tama pubaligi su sobaso, aga ida me we bidi me hauwa wali asali.

Dwagi Yai Gesi Po Makgo Asęani 6:13

Tama me augwaligo te dwai haubo noma bidi hauwa sela sanama, tama augwaligo te hauwa gasi yai bidi tigide wel munama tama augwali usu ma iliyu yai dao.

Matyu 8:3

Te Jisasgo nogo te bidi tigiba munama, tama aga nogogo tigiba diąyu te po wali, “Ao, eno homugo nage gasi usu ilaibao. Tama nage wiegi yai pedalao, te meda meni yai bidi bidao.” Tialima, megi naga tama agai tigiwali dolali gasi silama, tama te bidi aga tigi wiegi yai yai.

Godigo Nogi Ugwaba Sabo Tęąbi Po Wabo Buku Dabe 107:19

Augwa te tiwai dwai bidiyu, tialima augwa te Genuai Bidiba i obaso, tama agai augwalide te sęgę dagala sąyu yalio.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Te Israel me Juda Hani Sigo Tuni Bidigo Po Elalubo Buku Si 5:11

Namango te po odama, tama agai wado dwai mu yali, tama te Elisago be tagalama pali. Tama agai te po wali, “Eno homugo Elisa aga buluba tią asama, agai ena sumainu homu yaio. Tama agai Godibolo mu gedu haluasa po omainu eyu, aga Genuai Bidi dolo, tama agai nogo ena e gasi oiyabe keni yai tigiba pąba mugi sogo da usu, tama agai te kolesaga egi sogo da, teda ena ma usu egi dao. Tiali goli, menio.

Godigo Sęba Tagala Palai Bidigo Po 9:17

Tama te po obaso, Ananaias pelama, te beba sabolali. Tomoba pelama, agai nogo te Sol toboluba muani. Agai te po wai, “Sol, nage da eno ama dao. Tama Genuai Bidi Jisas aga digi ena nage pageba tagala palai dao. Nage te pabo tųdu edaba asobadi, Jisas aga digi nagebolo sabolali. Agai ena tagala palali, nago gedu ma dwagi yai ilimainu yai. Tama agai homugo Godigo Dwagi Yai Mobo nage tomode bidimai hagede, te sę yai,” Ananaiasgo te po wai.

Godigo Sęba Tagala Palai Bidigo Po 6:6

Tama te Jisas wali pabo we bidigo te bidi a naga olama, me badu nogo si te Jisasgo tagala palai bidi dabego gesabide dodolalugi pali. Tiliama, Jisasgo tagala palai bidi dabego augwaligo nogo te bage tobolude munama, Godibolo po wai, agai augwaligo ebo sę tau somai hagede.

Dwagi Yai Gesi Po Jongo Asęani 11:3

Tama tibaso, aga abe sigo Jisas bidibo digi po ola tolai. Augwali sigo te po wai, “Genuai Bidi, nago godolo mu yali bidi aga gasi salio,” te po wai.

Dwagi Yai Gesi Po Makgo Asęani 5:24

Tama Jisas aga dali hodobo pali. Tama genuai we bidi hani augwali aga wali pali, tama aga pabo madi te augwali mu pena sali.

Godigo Sęba Tagala Palai Bidigo Po 8:17

Tama tibaso, Pita dali Jon sigo Godibolo po hanalu wali, Godigo Dwagi Yai Mobo augwaligo homuba asomai hagede. Tama augwali sigo nogo te tigidali we bidi toboluba muani. Augwali Jisasgo hani tama tibo sogo augwaligo Godigo Dwagi Yai Mobo Bidi sali.

Godigo Sęba Tagala Palai Bidigo Po 9:12

Te bidi agai enabolo gedu haluasa po weyu, te bidibao. Tama Sol agai me na gagawai mu yali. Tama agai nage suali, te nage agai pageba asobo suali. Nago nogogo agai toboluba muani, agai gedu ma wiegi yai ilimainu ebo, te suali,” Genuai Bidigo te po wai, Ananaiasbolo.