Tialima te hanude bidali we bidi tigidali palima, Jisas tiąba pai. Tama augwaligo aga sulama, tama augwaligo po bomonama aga dali te po hanalu weyu, tama aga te tǫde bidibo tagalama, tama aga gasa buluba pao, te po wai dao.
“Te Nasaret hanu bidi Jisas, nago da dwai mobo dabebolo mena sę yainogo asaliwe? Te nago da dolainogo homu eyu, asai dawe? Eno nage koneani, nage te Godigo gasagi yai tedali wiegi yai bidi dao,” te po wai.
Tama tibaso, te Rom po tų ebo bidi dabe augwali te kalabus beba pelama, Pol dali Sailas dali sibolo te po wai, “Dago dwai kolesaga dage side yali ma, da homu dene mu ebao,” wali. “Dage si e bulu tagalama, gasaba pagameo,” te po wali.
Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.
Agai bomo elama mu i weyu, te po wai, “Jisas, nage ugwade bidibo Godigo ogwa mu, nago magi sę enade yainogo ebawe? Eno te Godigo nogide nagebolo hanalu obao, nago te dene enabolo me magio,” te po wai.
Tama tialima, te wego te Elaijabolo te po wai, “Nage te Godigo sę ebo bidi dao, magi baso nago te tiwai kolesaga ena dali yaliwe? Tama nage aselama, tama Godigo homugo eno sęgę koneama, tama teyu, te eno wai isalio,” te wego te po wai.
Tiali goli, God dago Genuai Bidigo da dali po ma wabo dago ma odiyu da, teda da isaibao. Te dwai isigo mu da dolaibao. Te magi baso mu megi da isaibawe?