Dwagi Yai Gesi Po Makgo Asęani 5:15 - Godigo dwagi yai po buku

¹⁵ Augwali te Jisas bidiboba sabolama, tama augwaligo suali, te dwai haubo noma bidi hauwa polobadu agade bidali bidi, te bidi Jisas dali bidibo augwaligo suali. Megi da, aga ugwa gudama, tama aga homu kolesaga peda pelama, tama aga bugagia dualaludali. Tama te we bidi augwaligo te sulama, tama augwali wi yai.

Dwagi Yai Gesi Po Makgo Asęani 5:15 Referans Kwoze

Kolosi 1:13

Da te dwai haubo tobolu bidi Satango dologode te hulia sai bulude bidibadi, God agai da ma dobola selama, tama da bugagia sela pelama, tama aga godolo ebo Ogwago we bidi tonalubo kolesaga dologoba mugi pali.

Polgo Si Wali Pas Timotiba Asęani - 2TI 1:7

Magi baso meni, te Godigo da te wi ebo bage bidimainu aga Mobo Bidi dabolo me mabeo. Menio. Agai Mobo Bidigo dabolo te bomo hauwa me, te dena ama dede dali dwagi yai homu eyu godolo ebo kolesaga me, te dena digi bugagia tonaluabo bomo me, te dabolo momainogo eyu, Godigo aga Mobo Bidi dabolo mani.

Dwagi Yai Gesi Po Lukgo Asęani 8:27

Tama Jisas te gebadu asobadi yaide, dwai haubogo toai bidi Jisas tiąba asali, te ąį saniba. Polobadu te be nanide bidama, bolu olo te isai bidi mubo ola be dabeba gudasa pelama, bidai.

Dwagi Yai Gesi Po Makgo Asęani 5:9

Tama Jisasgo agabolo hanalu wali, “Nago nogi dewe?” Tama agai te po wai, “Ena nogi Ami dao. Magi baso meni, da hani genuai hauwa dao.”

Dwagi Yai Gesi Po Lukgo Asęani 10:39

Te we aga ama nogi Maria aga te Genuai Bidi sągą pagede dugulalu, agai ola mabo po odaludalio.

1 Samuel 16:4

Tialima, Samuelgo te Genuai Bidigo po odama, tama hogodama, te Betlehemba pai. Aga sabaligi pabode, te taunde bidali tobolu bidi dabego te aga dali deliba gesabidi ununani. Augwali wi elama, dwai noma siyu, tama agabolo te po wali, “Haniani po page konebo bidi, magi yaliwe? Nage asali, te da wiegi yai bugagia ilagasu asaliwe, ma meniwe?” wali.

Godigo Nogi Ugwaba Sabo Tęąbi Po Wabo Buku Dabe 14:5

Tialima, te bidi dabe augwali wi mu yaibao. Magi basowe, God aga te agai po wali pabo bidi dabe augwali dali bidibao.

Jopgo Po Asęani Elalubo Buku 13:11

Tama tede dagego agai genuai bomo odama, tama dage agade wi mu yaibao.

Tuni Bidi Dabego Po Elalubo Buku Deli 15:13

“Te hasia dago sigi pali sogo te dage da dali me pisąwai. Te God, Genuai Bidigo, te dabolo dene mabo sę yali, magi baso meni, dago te dolo yai kolesaga wali pelama te Godiba bolo te dago mena kolesaga yabo te hanalubeo,” wali

Dwagi Yai Gesi Po Makgo Asęani 5:18

Tialima, Jisas te gebaba holobadi, tama polobadu te dwai haubo noma bidi sela sąwani bidi, agai te tiwai po Jisasba hanalu wali, “Ena nage dali paio,” wali.

Dwagi Yai Gesi Po Makgo Asęani 5:16

Tama te bidi dabe te Jisasgo yali sę suali bage, augwaligo te hanudu tamadi asali we bidibolo te bidide pedalali sę po pususu pali, polobadu te dwai haubo noma bidi agade bidai. Tama augwaligo te kibu dabede yali sę po me pusali.

Dwagi Yai Gesi Po Makgo Asęani 5:4

Te hauwa sogo augwaligo te hankapgo me sengo nogo sągą duyu yali. Tiali goli agai te hankap me sen me togwa sąwani. Agai te moni bomo mu eyu, tama bidi mego aga tuainu ebo te usu me isąwai.

Matyu 12:29

Tama te sę e tiwai dao. Te bidi me deli aga te bomai bidigo be tomoba pelama, tama agai bede elalubo doado bage sai hagede, agai te bomai bidi aiyaba elaluama, tama te dila pai bonogo te bidi kęyu bolo yao. Agai tama tilama, tama agai te bidigo bede munalubo nai dabe saibao,” wali.

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.

Matyu 9:33

Tialima, Jisasgo te bidide elalubo dwai haubo mobo te sela sąnama, tama polo te pedauwali pania sai bidi aga po wabo gagalali. Tama te tǫde bidali we bidi augwali noma selama, tama te po wai, “Polobadu te tiwai megi yali bomai sę te Israel tǫde munu me pedalai menio,” te po wai.

Tuni Bidi Dabego Po Elalubo Buku Deli 13:12

Tama Devit te Genuai Bidide wi ebaso te tama po wali, “Magi elama mu eno te Godigo Dąų Wali Bomai Po Muani Halobage ena dali te buluba sela paibawe?”

Matyu 26:53

Nago eno bomo konebeo. Eno ena Ayabolo hanaluyu da, teda agai te ensel mobo bidi hani umabo mu tagala palama, tama augwali dulama, ena tau sagasaibao.

Dwagi Yai Gesi Po Makgo Asęani 5:14

Te kibu tononaluali bidi wi pelama, tama augwaligo po te hanuba me tede elalubo bulu dabeba sela pali. Tama te we bidi augwali te sę ebo suagasali.