Dwagi Yai Gesi Po Makgo Asęani 4:7 - Godigo dwagi yai po buku

⁷ Tama meba nai wai te sesani bono elalubo tomoba tudulaluai. Tama te sesani bono me holama te mesegelali, tama agai nai me walobeo.

Dwagi Yai Gesi Po Makgo Asęani 4:7 Referans Kwoze

Jeremaia 4:3

Genuai Bidigo te Juda me Jerusalem augwaliba te tiwai po wai, “Dagego te dwai kolesaga tagalama, te enaba ma aselama, te gesi homu kolesaga sagasiyu, te bidigo gesi noma gi tǫ elama, te nai bulubo tiwai yaibao. Tama dagego te nai te sesane bono elalubo digi tomode me bulugio. Dage Juda me Jerusalem, te duga poloba badia pai dwai homu kolesaga sela sąnama, te eno we bidi dabe dolo pedelao. Te dage tama me tisąbaso da, teda ena te dagego dwai homu kolesagade haliga sębę eyu, te dageba dwai dene mawaibao. Eno haliga sębę te genuai sia dabo tiwai eyu, tama te bidi mego sula sąwainu ebaso, usu me egobeo,” wali.

Dwagi Yai Gesi Po Lukgo Asęani 8:14

Te tubo nai ge sesani yai bono sili elalubo tomoba tudulaluali po wabo da, te da te bidi dabe augwaligo te Godigo po odali tiwai yali goli, e tǫde ebo naide moni homu hauwa eyu, te nai doado bage hauwa elalu, te monede me, e tǫde ebo sęde bugai homu pemene eyu, tama te nai doado bagego augwali homu hogodabo mesegelama, te augwaligo Godigo po bugagia me odobeo. Augwali te nai du bugagia walama, te inawai nai tiwai elalube dao.

Dwagi Yai Gesi Po Lukgo Asęani 21:34

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

Dwagi Yai Gesi Po Lukgo Asęani 12:15

Te we bidi dabebolo agai te po wali, “Dua dao, duga tobage nai yogo idali weyu. Nai hauwa mu mubo te bidi geswai bidibo menio. Nai hauwa mu mubo te bidi te aga bidibo ula sabo te usu menio,” wali.

Dwagi Yai Gesi Po Lukgo Asęani 8:7

Tama te bidigo nai ge me badu sesani yai bono siliba tedelaluali. Tama nosali holobadi yaide, te sesani yai bono dabe dali talua holama mesegelali, tama te nai isila pali. Tama me badu ge dabe dwagi yai tǫba tulaluali.

Matyu 13:22

Tama meba te tedela palali nai wai ge te sesani yai bono elalubo madi tomoba tudulaluali, te bidigo po sabo tiwai yali, tiali goli agai homu hauwa te tǫde naiba pelama, tama agai mone dabe te doado bage hauwa sabobo homu hauwa yali, tama te homu ebogo te Godigo po mesegelama, tama agai nai ge walobeo.

Matyu 13:7

Tama meba te tedelawali nai wai ge te sesane yai bono elalubo madi tomoba tudulaluali. Tama te sesane yai bono elalubo madi tomodu te nai wai ge holali digi, te sesani yai bonogo haluama, tama te nai isilali.

Matyu 13:8

Tiali goli te telala pali nai wai ge me badu te wiegi yai tǫba tudulaluali, tama te nai du walali. Meba te 100, tama me badugo te 60 walali, tama me badugo 30 tama waliyu yai,” wali.

Dwagi Yai Gesi Po Makgo Asęani 4:6

Tiali goli giliga ugwadu naniyu, tama te giligago ulali. Tama te wit nai aga sele meniama, tama tigidali wa pelama, tama sasia pelama isali.

Dwagi Yai Gesi Po Makgo Asęani 4:8

Tiali goli te nai wai meba te wiegi yai tǫ ili yai madiba tudulaluama, tama genuai holama, tama nai du walai. Mebago ge dwasianu te 30 walali, mebago te 60 walali, tama mebago geninama mu tama te 100 walalio.”