Dwagi Yai Gesi Po Makgo Asęani 4:38 - Godigo dwagi yai po buku

³⁸ Tama Jisas te geba dugi badu bidali, tama aga tobolu te geba dugiba munama, godege pila muani. Augwaligo aga hodoligi pelama, tama augwaligo te po wai, “Tisa po ola mabo bidio, te pąde da węba hoa selama hagainogo ebao, tama nago homugo te kone palobewe?”

Dwagi Yai Gesi Po Makgo Asęani 4:38 Referans Kwoze

1 Pita 5:7

Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Matyu 8:25

Tama augwaligo aga pila mubadi hodoligi pali, tama augwaligo te po wai, “Genuai Bidi, nago da tau sao. Da megi e gebade dolama isiebao,” wali.

Dwagi Yai Gesi Po Lukgo Asęani 8:24

Augwaligo Jisas hodolagasu, te po wali, “Genuai Bidi, Genuai Bidi. Da isabo magana pali.” Tama Jisas hodaloama, wali hageyu, te waligo sabilibo ąį hagelama togoliyu yali. Te waligo me, ąįgo me moni te bomo hodali tagalama, ma tamugulali.

Aisaia 64:12

Genuai Bidi, nago te sę dabe sulama, nago haliga hogodiyu, te magi sę me deli yabo homu ebo meni da, agawe? Te nago homugo dago te sęgę hauwa tolodumaina homu elama, tama nago dago gedu haluasa po wabo wei ponisąma eba, agawe?

Hibru 2:17

Tama tibaso, te tigidali naide aga te tigidali we bidi tiwai mu pedalomainogo tiali. Magi basowe? Agai tama tialigo da, tama aga te God dali we bidi dali tomode dolalubo pris tobolu bidi bidabo te usu igibu tama Godigo sę tolaluaibao. Agai te we bidi homu dene eyu, tau sabo wiegi yai kolesaga eyu, tama aga te Godiba aga homugo kęą pai bidi bidai. Tama tiyu, agai te Godigo te tigidali we bidigo dwai sę yali sęgę sela sąwainogo eyu, te aga ofa ilali te usu yai dao. Tiali goli aga te we bidi tiwai mu pedaligi menigi da, teda te sę tigidali ebo aga usu menigi da.

Dwagi Yai Gesi Po Jongo Asęani 4:6

Ąį sabo tǫ dedage polobadu Jekopgo nigai, te bulude elalubuo. Jisas pelama, aga tigi dene baso, te ąį sabo tǫ dedage pąde dugulaluai. Te giliga tomo yagasobode.

Aisaia 63:15

Genuai Bidi, nage te naga bulu pesage dagalude bidibao, te tedali gasagi yai mu dao, te bulu pesagede te nago genuai ula me bomo pągąnalubao. Tiali goli, te nago aiyaba tonoyu, te da suao. Magi baso nage hogodama, te nago genuai bomo daba waselisąma ebawe? Nago homu dene eyu, olo tau sabo wiegi yai kolesaga te dabolo me ola mabeo. Te nago da godolo homu me isiąyu ebo da, agawe?

Te We Bidi Dabego Jerusalem Hagede Gela Wali 3:8

Eno i olama, Genuai Bidibolo ena tau sao po olama, hanalubo dao. Tiali goli, agai eno gedu haluasa po waboba olo saganama, odobo menio.

Matyu 22:16

Tama augwaligo augwa wali pabo bidi dabe augwali dali, te genuai gavman bidi Herotgo bidi dabe me tagala palama, tama augwaligo Jisas pageba pedalama, te po wai, “Po ola mabo bidi, dago koneani, nage te doloba pai bidi mu dao. Tama nago mu pode naga te we bidi augwalibolo te Godigo te yao wali wiegi yai kolesaga po ola mabo dao. Bidi me deli aga genuai nogi elaluyu da, te nage aga wi menio, nago deli po tiwai naga te tigidali bidibolo wabo dao.

Dwagi Yai Gesi Po Makgo Asęani 4:37

Tama augwali te sigi ąį tomodu pobadi, te moni genuai wali me deli hogodama, tama wę dini te geba tomoba asali, tama te geba te węba hoa sigulama, te węgo geba pągąna sainogo yai.

Dwagi Yai Gesi Po Makgo Asęani 4:39

Tama Jisas hodasa holama, tama te waliba wado po obadi, tama wębolo po weyu te po wali, “Megi da, usu dao. Nage sia sao! Nage megi tama silama isao!” Tama wali kekasa peyu, tama te wę me dwasianu memenege munu me ebeo.