Dwagi Yai Gesi Po Makgo Asęani 4:37 - Godigo dwagi yai po buku

³⁷ Tama augwali te sigi ąį tomodu pobadi, te moni genuai wali me deli hogodama, tama wę dini te geba tomoba asali, tama te geba te węba hoa sigulama, te węgo geba pągąna sainogo yai.

Dwagi Yai Gesi Po Makgo Asęani 4:37 Referans Kwoze

Jopgo Po Asęani Elalubo Buku 1:19

polo tama, mone wali olo kemidu gagalasa asiyu, te be dega polama, nago wai dabe sese elama, isilalio. Enaduba deli te sęde geda munama, tama nagebolo e wagasobao,” te sę bidigo te po wali.

Jona 1:4

Tiali goli, augwali pobadi, te Genuai Bidigo te bomai wali te tamu ąįde pedalumainu ilali. Tama te wali dali, kulubage si te bomo mu elama, tama te sip dolainu yalio.

Jopgo Po Asęani Elalubo Buku 1:12

Tama Genuai Bidi agai Satanbolo te po wali, “Odao, eno agai te nai dabe tigidali nago nogoba mobao. Tagalao, nago te naide magi sę me yabo homu ebaso da, teda eyu naga yao. Tiali goli, nago Jop tigide dwai sę me deli bolo me elamuo,” wali. Te dwai Satango Godigo te po odama, tama aga taga pali.

2 Korin 11:25

Te sela sogo te Rom dabego ena keloago elali. Deli sogo te Juda dabe augwaligo ena ela mumainogo eyu masigi sąnama ena elali. Sela sogo moni geba sip dabe doloyu, ena te tamu ąįde hagawai. Tama tiyu, sip me deli tama dolali sogo te deli sogo hulide me giligade ena te tamu ąį daide bidali.

Godigo Sęba Tagala Palai Bidigo Po 27:41

Tama tilama, dago geba te baguba pabo gagalali. Tiali goli, tamu ąįgo geba selasa pelama, te tamu ąį dologode dwasianu kemigo du elaluali. Tama te geba guni te kemi duba tųą paligi pabo si, te geba tudi badu tigidali pebeda pali. Magu menio. Moni tamu ąį bǫį dabe asiyu, te geba ni tologa sąyani.

Dwagi Yai Gesi Po Makgo Asęani 4:36

Tama augwaligo te genuai we bidi hani bidaludubadi taga peyu, te augwali Jisas dugulaluali gebaba holama, tama augwaligo aga dali selama pali. Tama gasa bidi dabe augwali meba gasa geba dabe me tedu augwali dali pai.

Dwagi Yai Gesi Po Makgo Asęani 4:38

Tama Jisas te geba dugi badu bidali, tama aga tobolu te geba dugiba munama, godege pila muani. Augwaligo aga hodoligi pelama, tama augwaligo te po wai, “Tisa po ola mabo bidio, te pąde da węba hoa selama hagainogo ebao, tama nago homugo te kone palobewe?”