Dwagi Yai Gesi Po Makgo Asęani 4:28 - Godigo dwagi yai po buku

²⁸ Te tǫ aga digi sę ebaso tama te nai wai holama, tama nosali te nai wai du walaibao. Hasia bolo te nai honu pedalama, tama nosali te nai tobolu tomode te nai genuai pedalaibao.

Dwagi Yai Gesi Po Makgo Asęani 4:28 Referans Kwoze

Hosea 6:3

Dago te Genuai Bidi koneabo sę bomo inao. Dago koneani, tigidali sogo kigamu te giliga pedalubao. Tama dago koneani, te tigidali sogo tulubage tulubo, tulubage te tǫba tulubao. Tama te tiwai naga dago koneao, Genuai Bidi te aselama, te da wiegi yai bugagia ma ilaibao,” augwaligo te po wai.

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

Filipai 1:6

Tama tiyu, eno homu si menio, eno mu koneai, te God agai dage deli deligo homu tomode te dwagi yai sę gagalama, tama te sę ela peyu, mu ela pelama, tama Krais Jisas tǫba ma asobo side naga agai te dagede ebo dwagi yai sę silaibao. Te eno mu koneanio.

Matyu 13:26

Tama nosali te wit holama, tama nai ge walainogo ebadi, tama augwaligo te nai wai telawali gide te dwai noswai dali holobo suai.

Aisaia 61:11

Magi baso meni. God, Genuai Bidigo doloba pai kolesaga dali, te aga nogi ugwaba sabo kolesaga dali, te we bidi dabe tomode pedelaibao, te gide bulali nai wai kulubi pedelama, te genuai ebo tiwai yaibao. Tama te gasa Israel hani isąwai we bidi dabe tigidaligo sumainogo yaibao.

Kolesaga Koneai Bidigo Pusali Po Elalubo Buku 3:11

Godigo digi te tigidali nai pedelabo sogo bodolu muani, tama augwali te wiegi yai sogo bodolu muanide mu pedelaibao. Tama me agai dago homu hodolama, tama dago te polobadu pedelali nai dabe konemai da homu eyu, tama te nosali pedelabo nai me konemainu homu eyu tama tiali. Tiali goli, Godigo aga polobadu digi ela pali sę tigidali te nosaliba mu usu nama, te dago mu konemainu ebo sę ebeo.

Kolesaga Koneai Bidigo Pusali Po Elalubo Buku 3:1

Tigidali nai e tǫde pedelama elalubo, te aga bodolu muani sogode digi pedalu ebo dao. Awe, te tigidali haniani sę deli deli te dolo si kadu walio.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

Godigo Nogi Ugwaba Sabo Tęąbi Po Wabo Buku Dabe 1:3

Te bidi te ni bidi mego ąį sesegede bulai ni elalubo tiwai bidibao. Te nigo nedudu walobo, te sogo dolo naga waliyu ebo dao, tama te ni yabe me sasia pabo menio. Tama tigidali sę agai ebaso, te bugagia pedalobo dao.

Tigidali Nai Gagalama Nigali Side 2:9

Tama Godigo te gide haniani ni dabe pedelao obaso pedelai. Augwali te gasa wiegi yai au yai mu, tama augwaligo dwagi yai nai walai. Tama te gi tomode te we bidi bidibo ula maiabo ni me deli digi elaluali. Tama gasa ni me deli te bidigo mena kolesaga ebo dwagi yai dawe, ma mena kolesaga ebo dwai dawe, te konemainogo yabo du elalubo ni me deli elaluai.

Dwagi Yai Gesi Po Makgo Asęani 4:27

Tama tigidali sogo be hulibo usu nama te bidi godege piduali, tama be posobode aga hogodama bilidu yai. Tama te tedelalo pali nai wai holama, tama mena tama genuai ebo me, te bidi agai me konebeo.

Dwagi Yai Gesi Po Makgo Asęani 4:29

Tama nosali te nai genuai elama te nai inabo si da, teda te bidigo te hwą ge dali sę yaibao. Te nai sabo sogo bodolu te pedalali dao,” Jisasgo te po wai.