Dwagi Yai Gesi Po Makgo Asęani 4:24 - Godigo dwagi yai po buku

²⁴ Tama agai te po me augwalibolo wai, “Te dagego odali po, tede dagego bugagia kone palao! Te dagego bidi dabebolo te mabo nai usu nama, te usu si naga dageba wei ponaibao. Tama agai meba ma wadolama te dageba mawaibao.

Dwagi Yai Gesi Po Makgo Asęani 4:24 Referans Kwoze

Hibru 2:1

Te Godigo Ogwago genuai nogigo te ensel mobo bidi dabego nogi aiyaba elalualigo da, teda dago te dago odali mu po tagalaidali weyu, dago ma bomonama tama te odali po homugo bugagia dąų ola sao.

Dwagi Yai Gesi Po Lukgo Asęani 8:18

Dagego te po odoyu, mu dua dao. Bidi mego nai meba tolalubo bidi yai baso da, teda Godigo agabolo gasa nai me ugadu daganama mawaibao. Tiali goli, bidi mego nai me deli menibadi goli, te dwasianu aga tobade munaluba homu yali nai sela paibao,” Jisasgo te po wali, te bidi dabe augwa homu agaba muani bidi dabeba magi paibao po wali.

Matyu 7:2

Te dagego gasa we bidigo ebo kolesaga osola sulama, tama augwali sęgę mabo tiwai gilama tama God agai dagego ebo kolesaga me osola sulama, tama dagebolo sęgę mawaibao. Dagego augwali usu sali usu nigo naga te Godigo dage me usu saibao.

Godigo Sęba Tagala Palai Bidigo Po 17:11

Te Beria bidi dabe te Tesalonaika be nani bidi hani tiwai meni. Te polobadu te Tesalonaika bagego tega sigo po polo sela sąwai dao. Tiali goli, te Beria bidi hani augwaligo da bugai homu elama, te po odali. Tama tigidali sogode Godigo po asęai bukude nedali, Polgo wali po usu niba pabo wenama suali.

2 Korin 9:6

Dagego homugo te bugagia koneao: nai yogo homu eyu dwasianu nai bulubo bidigo, te agai nai dwasianu naga nosali saibao. Tama te nai hauwa bulali bidigo, te agai nai hauwa saibao.

Dwagi Yai Gesi Po Jongo Asęani 10:27

Eno kibu sipsip dabego eno po wabo dogoni odobo dao. Eno augwali koneai, tama augwali ena wali asobo dao.

Bugagia Bidibo Kolesagade Po Asęai Buku 19:27

Ogwao, te nago wiegi yai homu kolesaga te skul weyu sabo homu ma isiąyu da, teda nago te sunumide geda muyu, te homu kolesaga elalusiąbo bidigo homu tiwai te wali paibao.

Aisaia 55:3

“Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.

Dwagi Yai Gesi Po Jongo Asęani 5:25

Eno mu po dagebolo obao, te sogo pedalaibao, tama te megi polo pedalalio, tama isai bidi augwaligo Godigo ogwago po odaibao. Tama te po odama wali pabo we bidi dabe da, augwali mu bidaibao.

Dwagi Yai Gesi Po Makgo Asęani 9:7

Tama te dagalu pǫ me deli pedelama, te augwali mesega sagasali. Tama te pǫ tomodu te pedauwali me delidu te po waida wai, “E bidi da, te eno Ogwa da, eno aga godolo mu ebao. Dagego agai po odiąo,” wai.

Dwagi Yai Gesi Po Jongo Asęani 10:16

Eno gasa sipsip me elalubuo. Megi augwali e tomogai tomode bidibo menio. Te me eno sigi pelama, odasa asaibao, e tomogai tomoba muaibao. Tama augwaligo eno po odaibao. Tama deli kibu sipsip hani bidaibao, tama te sipsip dabe tonalubo bidi deli digi yaibao.

1 Jon 4:1

Abagi dedeo, tibo po ola mabo bidi dabe hauwa augwali tigidali tǫde bilalubao. Tama bidi hauwago te po obao, “Godigo Mobo Bidi agai enabolo mu po olama, tama eno te mu po pusubo dao.” Te po obaso, dagego homu te augwaligo ola mabo poba olo subigila dąų wagio. Dagego koneainogo, tigidali te po ola mabo bidi osola suao, te Godigo tagala palali Mobo Bidi augwali dali bidibawe, ma meniwe, te suainogo tama tiao.

1 Pita 2:2

Te tobage dwai sę egimio. Te menio. Te tamadi ame nani wai bǫų aga bomo eyu, te ame pę naga tuabo homu ebo dao. Tama dagego homu te wai bǫųgo homu ebo tiwai gilama, dagego Godigo po naga sao, te gasa po dali talusiąwai po dao. Te po naga sao. Tama tiyu, dage bugagia holoyu bidao, te God agai dage ma dobola sabo sę silabo sogo tonaluao.

Jeremaia 17:21

Ena Genuai Bidi, eno te tiwai po obao, te dage bugagia bidabo homu ebaso da, teda dage te Sabat side walu me tolisąma, te dagego walu tolama, te side Jerusalem tomoba me aselamu dao.