Dwagi Yai Gesi Po Makgo Asęani 4:15 - Godigo dwagi yai po buku

¹⁵ Te sunumide tudulaluali po wali te Godigo po odali we bidi hani dabe, tama te sogo naga Satan asama, te Godigo augwali homude bulali po dagala sąwai.

Dwagi Yai Gesi Po Makgo Asęani 4:15 Referans Kwoze

1 Pita 5:8

Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.

Matyu 13:19

Te Godigo we bidi tonalubo kolesagade po wabo odobo digi te po page koneyu dąų wasiąwai bidi, te bidi te aga da te soabo tųba olo tudulaluali nai wai ge tiwai dao. Tama te Satan agaba aselama, tama polo te po Godigo aga homuba budali po te Satango te dagala sabo dao.

2 Korin 2:11

Eno te dago aga sęgę sela sąbo homu yali, tiyu Satango da tibo po ola menama tama da aiyaba elaluidali weyu tiaibao. Dago agai te we bidi dolabo dwai homu kolesaga koneai dao.

Dwagi Yai Gesi Po Lukgo Asęani 8:12

Te tubo nai ge tųde tulaluali da, te bidi dabe augwaligo po odali goli, Satan asama, te poba homu begi pelama, sana pidali weyu, agai sela sąyagasali po olama waliao. Satango homugo tiali, teyu te augwaligo homude konealubo po dąų obaso da, te Godigo augwali ma saiba homu yali.

Dwagi Yai Gesi Po Makgo Asęani 4:4

Agai tedelalo palio, tama te nai wai ge meba te sunumide tudulaluali. Tama ba dabe asiyu, te nai wai ge tuali.

Godigo Sęba Tagala Palai Bidigo Po 5:3

Pitago agabolo te po wai, “Ananaias, magi baso Satango dwai kolesaga elama, nago te tǫ abelali masigi bogea siyu tama me badu dualama, te Godigo Dwagi Yai Mobobolo tibo po waliwe?

Aisaia 53:1

Te Israel hani we bidi dabego te tiwai po wai, “Dego te megi dago odali pode konealubo homu dąų waibawe? Tama dego Genuai Bidigo te megi yali bomai sę tiwai ebo suai dawe?

Kraisgo Geme Dualali Sę Pedelabo Po Jonbolo Ola Mani 20:10

Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.

Kraisgo Geme Dualali Sę Pedelabo Po Jonbolo Ola Mani 20:7

Te nosali te kibu be 1,000 silibo side, teda te kalabus be tų palialuali te tų dabode, tama Satan aga te kalabus elaluali tagalaibao.

Hibru 2:1

Te Godigo Ogwago genuai nogigo te ensel mobo bidi dabego nogi aiyaba elalualigo da, teda dago te dago odali mu po tagalaidali weyu, dago ma bomonama tama te odali po homugo bugagia dąų ola sao.

2 Tesalonaika 2:9

Tiali goli te bidi pedalama, Jisasgo aga ela musiąbadi, te bidi agai Satango genuai bomo selama, tama agai tigidali me me bomai sę me, bidigo isiąwai sę me, bidigo noma sabo tibo sę me, te sę tigidali te bomo yai po sela sąbo bidigo te sogo yaibao.

Matyu 22:5

Te sę ebo bidi dabego te po augwalibolo wagi pai, tiali goli augwaligo te po odobo hagela yali, tama augwali gasaba tedela pai. Me deli te aga giba pali, tama me te aga mone sabo sę egi pali.

Kraisgo Geme Dualali Sę Pedelabo Po Jonbolo Ola Mani 12:9

Tama Godigo ensel mobo bidi augwaligo te genuai hasamani e tǫba sąwai dao. Te hasamani aga te polobadu digi bidai, tama augwaligo te hasamani aga nogi “Te Bidigo Tigidali Bidi Kisiliyu Po Tų Ela Mabo Dao,” gasa nogi me Satan poai. Agai tigidali tǫde we bidi ili po ola mabo bidi dao. Augwaligo aga e tǫba tula palai, tama augwaligo aga dwai ensel mobo bidi dabe dali hodobo e tǫba tula palai dao.

Matyu 4:10

Tama Jisasgo aga dali te po wali, “Satan, nage gedao. Godigo po bukude te po wai, ‘Nago naga Genuai Bidi God dali naga lotu po weyu, aga dologode bidao. Tama nago agai sę deli naga dąų olama yao.’ Te po elalubao,” Jisasgo te po wali.

Sekaraia 3:1

Te nade subo nai tiwai elama, Genuai Bidigo tobolu bidi pris Josua enabolo ola mani. Josua aga Genuai Bidigo ensel bidi pąde dolalubo suali. Tama dwai haubo bidi Satan te Josuago dolo nogo badu dolaluali, tama agai po tų ela mawainu kegaluali.

Tigidali Nai Gagalama Nigali Side 19:14

Tialima, Lot te aga wegi si noma sali bidi aga wąį si bidibo madi pai. Tama agai te po augwali sibolo wagi pali, “Dage si hogodama, te hanu polo taga soao,” wali. “Yawego te bulu dolainogo ebao.” Tiali goli, augwali sigo homugo agai te gagali po wabo homu naga yai.

Hibru 12:16

Tiyu bidi me deligo te penani ebo kolesaga wali pabuo. Tiyu bidi me deligo te God tudiba muyu, te polobadu Isogo yali tiwai idalio. Te aga amade te tubo nai deli sogo naga abela tuali, tama agai te aga digi gomunai ogwa da wali bomo me, nogi me, te sigo te tubo nai abelama tama aga olo sąwai dao.

Godigo Sęba Tagala Palai Bidigo Po 17:32

Te sogo Pol agai bidi me deli gų pagede ma hodaluali po pusubo da, bidi me badu augwaligo te po gisugu mani. Tiali goli bidi me badu augwaligo agabolo te po wali, “Dago homugo nago te po dabolo ma pusa mao,” wali.

Dwagi Yai Gesi Po Makgo Asęani 4:14

Te bidigo nai wai bulai po wali agai te Godigo po haniani we bidibolo pusuyu te bulali tiwai dao.

Dwagi Yai Gesi Po Makgo Asęani 4:16

Tama meba we bidi augwali te masigi elaluali tǫba tudulaluali nai wai tiwai yai. Augwaligo Godigo po odama, tama polo augwali kolesaga sali, tama augwali tede wiegi yai homu pemene yali.