Dwagi Yai Gesi Po Makgo Asęani 3:34 - Godigo dwagi yai po buku

³⁴ Agai te aga bagulama duada pali we bidiba tonono bilama, tama agai te po wai, “Te eno ida dede, ama dede dabe ena dali bidalubo suiąo,” wai.

Dwagi Yai Gesi Po Makgo Asęani 3:34 Referans Kwoze

Polgo Po Pas Rom Dabeba Asęani 8:29

Magi baso meni, te Godigo augwali polo koneani bidi dabe, agai augwali me hagea siyu tedali muani, te aga Ogwa tiwai pedalomainogo yai, tama ama name hauwa bidimai hagede yali, tama Krais te augwaligo ama gomunai bidi bidaibao.

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Matyu 28:10

Jisasgo po weyu te we sibolo te po wai, “Dage si wi elamuo. Dage sigo eno ama dede augwalibolo wagi pelama, tama augwali te Galili buluba pao wao. Tama augwaligo ena tede sumainogo yaibao,” Jisasgo te we sibolo te po wai.

Godigo Nogi Ugwaba Sabo Tęąbi Po Wabo Buku Dabe 22:22

Nago tama tiwai ebaso da, teda eno te ena hani bidi dabebolo nago yali sę po pusaibao. Augwali te lotu weyu, deliba sisinibo side, tama eno nago nogi te augwali tomode ugwaba saibao.

Dwagi Yai Gesi Po Makgo Asęani 3:33

Tama agai te po wei augwaliba ponani, “De dede te eno ida me ama me dawe?”

Dwagi Yai Gesi Po Makgo Asęani 6:6

Tama te we bidi augwaligo agade konealubo po dąų wasiąyu, tama augwa homu agaba tialusiąbaso, te aga noma siyu midigi sali. Te Jisasgo te Nasaret hanu tagalama, tama aga te bulu pedai dabeba biligi pelama, tama agai te Godigo po te we bidi dabe augwalibolo ola mena mena bilai dao.