Dwagi Yai Gesi Po Makgo Asęani 3:29 - Godigo dwagi yai po buku

²⁹ Tiali goli bidigo dwai posobo po te Godigo Tedali Mobo Bidi dali obaso da, teda Godigo agai te sęgę me sela sąsiąma elaludu, te megi me nosali me te munu me sela sągobeo. Menio. Te sęgę agade me tama elalua pidu pidubadi geaibao,” Jisasgo augwalibolo te tama po wai.

Dwagi Yai Gesi Po Makgo Asęani 3:29 Referans Kwoze

Dwagi Yai Gesi Po Lukgo Asęani 12:10

Bidi mego Godigo Bidi Mu dali dwai posobo po obaso da, Godigo te bidigo dwai posobo po wali te agai homu kone isiąyu gegeda palu tagalubo usu yaibao. Tialima, bidi mego Godigo Dwagi Yai Mobo Bidide dwai posobo po obaso da, Godigo te dwai po wali sela sąbo usu egobeo.

2 Tesalonaika 1:9

Tama te bidi dabe augwali e tama dene saibao, augwali Genuai Bidi gesabidide digibulu bidaibao, tama agai genuai ula dali bomo dali digibulu bidada peyu, bidada paibao, tama tiyu augwali mu dwai bidaibao.

Jutgo Asęani Pas 1:13

Tama te moni tamu ąį bǫį dini wadolama nosali asiyu, tama te ąį dinigo meda yai pesa hania pedalobo dao, te ąį sanide. Tama te tiwai te bidi dabe augwaligo te hale ilibo kolesaga hania ebo dao. Augwali te dagalude elalubo hǫ meba tiwai dao. Te tobage hǫ osogo ula eyu, ma sula siyu ebo hǫ dabe dao. Te hǫ pabo te bugagia dolo pabo menio. Tama Godigo te dwai sisi mu a bulu hulia sai digi sisi yai elalubo, tama te tibo po ola mabo bidi augwali te hulia sai bulude sesemane sogo bidada peyu, bidada paibao.

Dwagi Yai Gesi Po Makgo Asęani 12:40

Augwaligo te augwa bidi isai we dabe tibo po weyu, tama augwaligo be dabe wi siyu ebo dao. Tama te ebo kolesaga mesegelainogo eyu, tama augwaligo tibo gedu haluasa po bobage weyu ebo dao. Te Godigo po tų ebo sogode te bidi dabe augwaligo genuai sęgę mu saibao,” Jisasgo te po wai.

Matyu 25:46

Tama te bidi hani augwali te dwai dene genuai sigi paibao, te sesemane sogo dene iduabo bulude bidaibao. Tiali goli te doloba pai we bidi dabe augwali da, te sesemane sogo bidada peyu, bidada pabo ula selama bidaibao,” Jisasgo te po wai.

Jutgo Asęani Pas 1:7

Te polobadu elaluali moni hanu si me, te nogi Sodom dali, Gomora dali, te hanu side pedalali dwai sęgę dagego ma konea palao. Tede bidali bage me, te hanu si pąde elaluali dwasianu bulude bidali bage me, augwali tigidaligo te ensel mobo bidi mebago yali dwai dwai penani ebo sę tiwai yali. Augwali penani sęde bidaluali, tama augwaligo homu hodaloama, tama augwali te sę bomo elama eyu pobeasa pali. Tama tibaso, Godigo augwali te moni sia te dagaludu tagala palali, tama augwali te siago ela silai. Tama dago augwalide te yali sę sulama, tama dago koneai dao, te tobage dwai dwai sę dago ilamuo, da te dene sidali weyu.

Matyu 9:3

Tialima te Juda dabego bomo yai po page koneai bidi meba augwaligo augwa digi homude po weyu, te po wali, “Te bidi agai te Godigo nogide posobo po obao,” te po wai.

Dwagi Yai Gesi Po Makgo Asęani 3:30

Magi baso meni. Augwaligo aga dali te po wai, “Te agade dwai haubo noma bidi elalubao,” wali.