Biblia Todo Logo
Bib sou entènèt

- Piblisite -




Dwagi Yai Gesi Po Makgo Asęani 2:28 - Godigo dwagi yai po buku

28 Ena da, te Godigo Bidi Mu da. Ena da, te Sabat sogode te genuai bidi dao. Tama tibaso, bidigo Sabatde mena sę yagameo, te eno waibao,” Jisasgo te po wai.

Gade chapit la Kopi




Dwagi Yai Gesi Po Makgo Asęani 2:28
13 Referans Kwoze  

Magi baso meni. Ena da, te Godigo Bidi Mu da. Ena da te Sabat sogode te genuai bidi dao. Tama tibaso, bidigo Sabatde mena sę yagameo wabo po te eno digi waibao,” Jisasgo te po wai.


Tama ena e bulude bidibadi, ena te moni Sarere ulade digi na tiwai ebadi Godigo Mobo Bidi agai enaba dagana sagaselama, tama ena tudi badu bidi me deligo po dage bomonama weyu i wabo odali, te genuai bu wabo nai yadogoli te biugel bu wabo odai.


Tama Godigo tigidali nai mu Krais dologoba muai, tama Krais aga te nai dabe tonaluabo bidi nigilama, tama Godigo po wali pabo we bidi genuai tobolu bidi nigilai.


Te Juda bagego Sabat sogode Jisasgo aiyana pai tǫ selama, te bidi gedu pedalai.


Tialima, Jisasgo po wei ponoyu, te po wai, “Eno Aya agai sę polobadu yali sę megi tama te ela asobao. Tama eno me ena sę ebao,” Juda dabe genuai bidi dali Jisasgo te po wai dao.


Tama Jisasgo augwalibolo te po wali, “Ena da, te Godigo Bidi Mu da. Ena da, te Sabat sogode te genuai bidi dao. Tama tibaso, bidigo Sabatde mena sę yagameo te eno waibao,” wali.


Tama te Farisi bidi hani tomode si bugulama, mebago Jisasde te po wai, “Godigo te bidi tagala palobeo. Agai Sabat sogode bomo yai po wali pabeo.” Tialima meba bidigo te po wai, “Dwai sę ebo bidi mego te tiwai bomai sę me ebo menio. Te bidi dwagi yai bidi dao,” wai.


Aga pąba asama, tama Jisasgo augwalibolo te po wai, “Te eno dagebolo hanalu obao, te dago te Sabat sogo te wiegi yai kolesaga yabo homu yaibawe, ma dago dwai kolesaga yaibawe? Dago te Sabat sogo te bidi dabe bugagia bidimainu tau sabo sę yaibawe, ma dago te bidi ela mumainogo eyu yaibawe? Dago bomo yai pogo tede magi po elalubawe?” Tiali goli augwali sagia siyu, po me wabeo.


Tama Jisasgo te po augwalibolo wai, “Godigo te bidi muani te Sabat sogo tau somainogo me mubeo. Menio. Agai te Sabat sogo muani te bidi tau somainogo muai dao.


Te me sogo Sabatde Jisas te bomai po odobo lotu be tomoba ma pali. Tama bidi me deli bididuali, te aga nogo me deli dwai elaluai. Te aga nogo penelama, te wa pai tiwai elaluai.


Swiv nou:

Piblisite


Piblisite