Dwagi Yai Gesi Po Makgo Asęani 2:26 - Godigo dwagi yai po buku

²⁶ Te sogo te bidi nogi Abiatar te genuai tobolu pris bidi bidibadi, tama Devitgo Godigo lotu be tomoba pelama, te Godigo gesabide muani bret selama tuali. Aga hani dabego me tuali. Tiali goli, te bret te habu selai elaluai, tama te pris dabego naga tubo usu yaibao wai, te bomo yai pode. Tiali goli te bret augwaligo me tuali digi Godigo gedude dwai sę ebeo. Dagego te asęani po nedebewe?”

Dwagi Yai Gesi Po Makgo Asęani 2:26 Referans Kwoze

2 Samuel 8:17

Tama Sadok dali Ahimelek, augwali si te pris bidi bidali. Sadok te Ahitupgo ogwa. Tama Ahimelek te Abiatargo ogwa dao. Tama Seraia aga te kingo kuskus sę ebo bidi bidai.

Tuni Bidi Dabego Po Elalubo Buku Deli 24:6

Te Eleasar me Itamar sigo hani ogwa dabe te satu gagalide hasesegele pelama te pris dabe dąį ilali. Augwaligo dąį ilama te kuskus Semaia, te Livai hani te Netanelgo ogwa, agai augwaligo nogi asęani. Tama king Devit aga ofisa dabe dali, me te pris Sadok, me pris Ahimelek, te Abiatargo ogwa, tama te pris me Livai dabe augwali hani tobolu bidi dabe, tigidaligo te Semaiago te nogi asębo sualio.

1 Samuel 21:1

Devit wi peyu, te taun Nopba sabolama, tama pelama, te pris Ahimelek sugi pali. Tama Ahimelek noma selama, tama aga bedu bulu dia aselama, tama Devitbolo weyu, te po wai, “Magi baso nage nagaduba asaliwe?”

Te Israel me Juda Hani Sigo Tuni Bidigo Po Elalubo Buku Deli 4:4

Benaia, te Jehoiadago ogwa, aga te ami dabego polalubo ofisa bidi dao. Sadok dali Abiatar, te pris bidi si dao.

Te Israel me Juda Hani Sigo Tuni Bidigo Po Elalubo Buku Deli 2:22

Kingo te hanalubo po odama, tama aga wado po weyu, te tiwai po wali, “Magi baso nago enaba te Abisak te Adoniyaba mao po hanalubawe? Te tiwai ebaso da, teda nago enaba dolo hanaluyu, te agai ena hasegelama, tama te king pedalumainogo ilibewe, magi baso meni, aga te eno ama genuai bidi dao. Tama nago te pris Abiatar me Joap, te Seruiago ogwa, te augwali sigo hanalu wali po me sela asobewe?” te po wai.

Te Israel me Juda Hani Sigo Tuni Bidigo Po Elalubo Buku Deli 1:7

Agai te Joapba po migi pali, te Seruiago ogwa, tama te pris Abiatar dali me te po olama, tama augwali sigo aga dali te deli homu yalio.

2 Samuel 20:25

Tama Seva aga te kingo kuskus sę ebo bidi bidai. Tama Sadok me Abiatar te pris sę ebo bidi si bidai,

2 Samuel 15:35

Odao, te pris si, Sadok me, Abiatar si me, te Jerusalemde bidiba,” po wai. “Tama nago te kingo bede tigidali odali po te augwali siba waibao.

2 Samuel 15:29

Tialima, Sadok de Abiatar dali sigo te Dąų Wali Bomai Po Muani Halobage te ma sela pelama, tama augwa te Jerusalemde bidali.

2 Samuel 15:24

Te Devit doligi pelama, tama te we bidi dabe paboba tonani sogo, te pris Sadok me, Abiatar me, tama te Livai dabe me bidalubo suali. Te Livai dabego te Dąų Wali Bomai Po Munalubo Halobage te tolasa aselama, tama te tǫba aiya mubo suai. Tama te pris Abiatargo te ofa ebo sę ela pidubadi, te we bidi augwa te Jerusalem hanu taga pabo sogoba usu nanio.

1 Samuel 23:9

Tiali goli, Devitgo odali, te Solgo agaba dwai sę yabo homu ebo po wai. Tama tibaso, agai te pris Abiatarbolo walali, “Te pris ugwa selama, sesao,” po wali.

1 Samuel 23:6

Te Devit te Keilaba pisiąbadi, tama Abiatar, te Ahimelekgo ogwa, te king Solde wi peyu, tama te Devitba asali sogo, Abiatargo te prisgo masigi si elalubo ugwa sesali, augwa te Godigo homu konea sabo nai, tama te sela asai. Tama augwali te Keilaba pabo sogo, teda Abiatargo te ugwa pedai augwa dali peyu sela pai dao.

Dwagi Yai Gesi Po Makgo Asęani 2:25

Tama Jisasgo augwalibolo te po wali, “Te dagego te dena nǫų bidi nogi Devitgo yali sę po dagego nedebewe? Me sogo aga me, aga dali bidali bidi dabe me, augwali nai sili bidibadi tama moni nasi eyu bidali.