Dwagi Yai Gesi Po Makgo Asęani 2:14 - Godigo dwagi yai po buku

¹⁴ Tama aga pobadi, tama te bidi nogi Livai suali, te Alfiusgo ogwa, aga te maket takis mone sabo bede dulalubadi. Tama Jisasgo agabolo te po wali, “Nage ena wali asao,” wali. Tama aga hogodama, aga wali palio.

Dwagi Yai Gesi Po Makgo Asęani 2:14 Referans Kwoze

Dwagi Yai Gesi Po Lukgo Asęani 6:15

Me bidi si nogi Filip, me Bartolomyu, me bidi si nogi me Matyu, me Tomas. Me bidi nogi Jems, te Alfiusgo ogwa da. Me bidi nogi Saimon, agai nogi me Selot.

Dwagi Yai Gesi Po Makgo Asęani 3:18

Tama gasa sa muani bidi dabego nogi Andru, me Filip, me Bartolomyu, me Matyu, me Tomas, me Jems te Alfiusgo ogwa, me Tadius, me Saimon te Kenan tǫ bidi,

Godigo Sęba Tagala Palai Bidigo Po 1:13

Tama augwali Jerusalem tomoba pelama, beba sabolama, augwa osogo bidigi pabo be habuba ugwaba holali. Tama te bidi dabego nogi e dao, te Pita, Jon, Jems, Andru, te Filip me, Tomas me, te Bartolomyu me, Matyu me, te gasa me Jems, aga aya nogi Alfius, te Saimon, te independes sainu ebo hani bidi me, te gasa Judas me, aga aya nogi Jems.

Matyu 8:22

Tiali goli Jisasgo agabolo te po wali, “Nage da, ena wali asao. Te Godigo po odisąbo isai bidi tiwai bidi dabe augwa digi te isai bidi dabe pubalomainao,” Jisasgo te po wai.

Dwagi Yai Gesi Po Makgo Asęani 2:15

Tama nosali Jisas me, aga wali pabo bidi dabe me, augwali te Livaigo beba duagi pelama, nai tuali. Tama te takis mone sabo bidi hauwa me te dwai sęgę sai bidi hauwa augwali Jisas dali me aga wali pabo bidi dabe dali hodobo dugulama nai tuali. Te tobage tiwai bidi hauwa augwali sesemane sogo te Jisas wali bilaluai.