Dwagi Yai Gesi Po Makgo Asęani 16:6 - Godigo dwagi yai po buku

⁶ Tama agai augwalibolo te po wai, “Dage midigi siyu noma me selamuo. Eno koneani, dage asali te Nasaret bidi Jisas gegagasali, aga augwaligo te ni pedaide walali. Aga hodalualio! Aga te ede me bidibeo! Te augwaligo aga muani pesage te elalubo suiąo.

Dwagi Yai Gesi Po Makgo Asęani 16:6 Referans Kwoze

Dwagi Yai Gesi Po Lukgo Asęani 24:46

Tama Jisasgo augwalibolo te po wai, “Godigo bukude tama te tobage po wai, ‘Godigo sa muani bidi Krais dene polo selama, isilama, tama sela sogo aga gų pagede bidama,

Godigo Sęba Tagala Palai Bidigo Po 4:10

Tibaso, dage tigidaligo koneąo, te Israel we bidi dabe tigidali me, dagego koneao, ede te sągą dwai bidi dolalubo, te Nasaret bidi Jisas Kraisgo nogi bomogo e bidi ma dwagi yai ilama, aga sągągo dolalubo. Te bidi Jisas dagego ni pedaide elai bidi da. Tiali goli, Godigo aga gų pagede ma hodolai.

Bugagia Bidibo Kolesagade Po Asęai Buku 8:17

Tama mena we bidi dabego ena gegebo sę bomo eyu da, teda augwaligo ena sueibao. Mena we bidigo ena wei yali da, eno me te eno augwali wei mu yaibao.

Dwagi Yai Gesi Po Makgo Asęani 1:24

“Te Nasaret hanu bidi Jisas, nago da dwai mobo dabebolo mena sę yainogo asaliwe? Te nago da dolainogo homu eyu, asai dawe? Eno nage koneani, nage te Godigo gasagi yai tedali wiegi yai bidi dao,” te po wai.

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Godigo Nogi Ugwaba Sabo Tęąbi Po Wabo Buku Dabe 71:20

Nago te deli tigi poai sęgę enaba tagala palali. Tiali digi, eno koneai, te nago ena ma dąų walainu yai. Te ena gų pageba pidali weyu, te nago ena ma hodolaibao.

Dwagi Yai Gesi Po Makgo Asęani 10:34

Tama te bage augwaligo posobo po enaba weyu, tama enaba pesa sąyu, te ena subigila eliyu elama, tama ena ela muaibao. Tama sela sogo ena te gų pagede bidama, tama nosali ena Godigo Bidi Mu ena ma hodaluaibao,” Jisasgo te po wai.

Dwagi Yai Gesi Po Makgo Asęani 1:27

Tama tigidali we bidi augwali noma siyu, tama augwa hasi tomode digi po miani, “Te e da mena sę dawe? Te gasagi yai gesi ola mabo po dao,” te po wai. “Te bidigo bomo elalubaso, tama agai te dwai haubo noma bidi dabeba po pusubaso, tama augwaligo agai po odali,” te po wai.

Dwagi Yai Gesi Po Makgo Asęani 9:15

Te po odobo we bidi tigidali augwaligo te Jisas asobo sulama, tama polo te augwali midigi siyu te noma sali. Augwali te aga pageba udada pelama, tama augwaligo siade da po aga dali wali.

Dwagi Yai Gesi Po Makgo Asęani 14:33

Tama agai te Pita, me Jems, me Jon, te bage sela selama, tama augwali aga dali pali. Megi da, te aga homu moni sęgę eyu, tama aga kone palu te aga dwai homu mu yai.

Godigo Sęba Tagala Palai Bidigo Po 2:24

Tiali goli, Godigo te bidi ma hodolobaso, tama aga ma hodaloai dao. Bidi isibo sęgo Jisas kalabus usu isąbaso, aga dene hauwa dali isama, Godigo agade te dene silali.