Dwagi Yai Gesi Po Makgo Asęani 16:14 - Godigo dwagi yai po buku

¹⁴ Nosali badu te wali pali bidi dabe nogo si olama sągągo deli te augwali dugulama nai tubadi, tama Jisas te augwaliba pedalai. Te augwaligo agai wali poba augwa homu dąų me wasiąbaso, tama agai augwaliba wado ilali. Magi baso meni, augwaligo olo te palialu, tama te we bidi augwaligo suali, aga te ma hodaloai yali po wabo te augwaligo homu teba dąų me wabeo.

Dwagi Yai Gesi Po Makgo Asęani 16:14 Referans Kwoze

1 Korin 15:5

Tama nosali aga Pita bidibo madi pedalali, tama nosali te aga sę bidi nogo si olama sągą badu si bidi bidibo madi pedalama augwaligo aga suali.

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

Dwagi Yai Gesi Po Jongo Asęani 20:27

Tama agai Tomasbolo te po wai, “Nago nogo dani eba da muao. Tama nago eno nogo me suao. Tama nago nogo eno punali badu palama suao. Nago homu si ebo tagalao. Enade nago homu deli yao, te tiwai bidao,” Jisasgo te po Tomas dali wai.

Matyu 11:20

Te Galili tǫde Jisasgo te hanu mebade te bomai sę hauwa mu yali goli, te hanude bidibo hani augwaligo augwa dwai kolesaga yalide ge neyu, homu begelama dwai kolesaga yali tagalasiąbaso, te Jisasgo augwali sesanobo po weyu te po wali,

Dwagi Yai Gesi Po Lukgo Asęani 24:25

Te Jisasgo te tama po augwali sibolo wai, “Ao, dage sigo homu kolesaga meniwe? Dage sigo homu te polobadu Godigo sę nosali pedelabo po ola mani bidigo po naga konealuai dawe?” Jisas po augwali si dali wai.

Dwagi Yai Gesi Po Makgo Asęani 7:18

Tama agai te po augwalibolo wali, “Dage me te homu kolesaga meni eyu, obawe? Te dagego konebewe? Te tigidali bulu badu elaluali nai te bidi tomoba pelama, tego te bidi dwai meda ilibo usu egobeo.

Matyu 17:20

Tama agai te po augwalibolo wai, “Dagego homu Godiba dwasianu naga begi pobaso, dagego te sę yainogo ebo te usu meni dao. Awe, eno mu po dagebolo obe dao, te dagego Godiba duga homu begi pabo kolesaga te dwasianunu, te kemeni ge tiwai usu elalubaso da, teda dagego e bulu dubolo te po weyu da, ‘Nage hodaluama tama u badu pao’ wabo si da, tama aga teba paibao. Tama dagego te tiwai bomai sę tigidali ebo te usu yaibao.

Israel Hanigo Namba 14:11

Tama Genuai Bidigo Mosesbolo e tama po wali, “Hauwa sogo mu te we bidigo eno po sela sąyu, tama augwaligo eno po mu dao homu ebeo. Eno augwali tomode wiegi yai sę hauwa yali, Tiali goli, augwaligo teba homu dąų wabeo.

Matyu 28:17

Tama augwaligo tede Jisas sulama, tama augwaligo agabolo lotu po wai. Tiali goli mebago homu si elaluama te homu yali, te aga mu ma hodalualiwe?

Dwagi Yai Gesi Po Lukgo Asęani 24:11

Tiali goli, Jisasgo bidi dabe augwaligo homu te we dabego wali po olo tama me te obao, homu yai. Tama augwaligo te we dabego po homuba dąų olama mube, augwaligo homugo tibo po wabao homu yai.

Dwagi Yai Gesi Po Jongo Asęani 20:25

Tama Jisas aga wali pabo bidi mebago Tomas agabolo te po wai, “Dago naga Genuai Bidi dago suai dao,” te po Tomas dali wai. Tialima Tomasgo augwalibolo te po wai, “Eno aga nogode nel enani digi susiąyu da, tama eno nogo dani te nel enani digi tomoba musiąyu da, te eno nogo aga punali badu palama susiąyu da, teda te eno te poba ena homu mu mugobeo,” Tomasgo te po wai, augwali dali.

Dwagi Yai Gesi Po Jongo Asęani 20:26

Te nosali a naga olama me badu nogo sela sogo bidai, tama Jisas aga wali pali bidi augwali te be tomode ma bidai, tama Tomas me augwali dali bidai. Augwaligo tigidali tų mu dąų ola silai digi, tama Jisas augwali tomoba dolagasai. Tama agai te po wai, “Dagego homu dua bugagia bidao.”

Dwagi Yai Gesi Po Jongo Asęani 21:1

Te nosali Jisas aga bidi dabego gedude ma pedalai, augwali te sigi ąį nogi Taiberias pąde bidibadi te aga ma pedalai, augwaligo aga suai. Aga augwali pageba te tiwai pedalai.

Dwagi Yai Gesi Po Jongo Asęani 21:14

Jisas aga gų pagede ma hodaluama, tama si sogo Jerusalem hanude aga wali pabo bidi augwaligo gedude aga pedalai dao. Tama megi me te sela sogo aga augwaligo gedude ma pedalai, te Taiberias sigi ąį sanide.

Godigo Sęba Tagala Palai Bidigo Po 1:3

Tama Jisas isilama, ma hodaluama, te bidi sese si sogo aga bidi dabebolo agai tigi waselai, hauwa sogo. Tama agai augwaligo gedude sę dabe hauwa yali, te augwaligo aga gesi ma bidibo mu konemainu yai. Tama augwali homu si ebe. Augwaligo aga gedugo suali. Agai Godigo we bidi tonalubo sę po augwalibolo pusa mani.