Dwagi Yai Gesi Po Makgo Asęani 16:10 - Godigo dwagi yai po buku

¹⁰ Te we Maria agai Jisas sulama, tama aga pelama, te Jisas dali wali bilali bidi dabebolo te aga suali po wagi pai. Te bidi dabe augwali homu sęgę elama, tama augwali gela weyu bidaludai.

Dwagi Yai Gesi Po Makgo Asęani 16:10 Referans Kwoze

Dwagi Yai Gesi Po Jongo Asęani 20:18

Tama tibaso, te Makdala bulu we nogi Maria aga pai, tama agai te Jisas wali pabo bidi augwali dali po weyu, te po wai, “Eno Genuai Bidi Jisas sualio,” te po wai. Tama agai te Jisasgo agabolo mani te po augwali dali wai.

Dwagi Yai Gesi Po Jongo Asęani 16:6

Tialima, dage dali eno te tamadi wali po obaso, tama dagego homu sęgę mu te ebao.

Dwagi Yai Gesi Po Lukgo Asęani 24:17

Te Jisasgo augwali sibolo te po wai, “Dage si magi po ola peyu pobawe?” te bidi si dali Jisasgo te po wai. Tama te bidi si dolaluai, tama augwa si homu sęgę mu yai.

Dwagi Yai Gesi Po Makgo Asęani 14:72

Tama polo te ba kakaruk hwa si sogo wai. Tama Pitago te Jisasgo agabolo wali po te homugo ma kone palali, “Te ba kakaruk po si sogo wasiąbadi, tama nago po sela sogo wagi soyu, nago ena konebeo po waibao,” wai. Tama Pita aga dwai gela mu wai.

Matyu 9:15

Tama Jisasgo te po digi begelai po me deli augwalibolo weyu te po wai, “Te gesi we tamadi sai bidi te aga abagi dabe dali bidibaso da, teda augwali homu te sogo homu sęgę elaluaibawe? Menio. Tiali goli nosali te we sai bidi augwaligo selama, gasaba pabo sogo da, tama aga abagi dabe dali me bidigobeo. Tama te sogo augwali homu sęgę eyu nai osogo gisilaibao,” wali.

Matyu 24:30

Te tebo sogo te Godigo Bidi Mugo dąį te dagalude pedelaibao, tama te tǫde we bidi hani tigidali augwali augwa nogo pagasa moni gela waibao. Tama augwaligo te Godigo Bidi Mu te dagalu pǫ daide ugwadu dualasa asobo sueibao, tama aga genuai bomo me genuai ula dali dulaibao.

Matyu 19:22

Te gesi bidigo te po wali odolama, tama aga homu sęgę mu yali, tama aga beba ma pai. Magi basowe, te agai doado bage hauwa mu elaluai.