Dwagi Yai Gesi Po Makgo Asęani 15:4 - Godigo dwagi yai po buku

⁴ Tama tibaso, Pailatgo agaba ma hanalu wali, “Nago te po me deli wei me ponosiąma, ebawe? Odao, augwaligo te po hauwa nageba kisilama obao,” te po wai.

Dwagi Yai Gesi Po Makgo Asęani 15:4 Referans Kwoze

Dwagi Yai Gesi Po Jongo Asęani 19:10

Tialima, Pailatgo Jisas dali te po wai, “Magi baso nago ena dali po wabewe? Eno nage olo tagala palabo bomo elalubao. Ma, eno nage ni pedaide elabo bomo me, te eno elalubao. Tama nago te konesiąyu ebawe?” te Pailatgo Jisas dali te po wai.

Matyu 27:13

Tama te gavman genuai bidi Pailatgo agabolo te po wali, “Ma, nago te tigidali po augwaligo nage po tų ilibo po te nago odobewe?”

Matyu 26:62

Tama te pris tuni bidi doligulama Jisasbolo te po wai, “Nago te po me deli wei ponosiąma ebawe? Magi yaide augwaligo te po dabe nagebolo togolobawe?” wali.

Dwagi Yai Gesi Po Makgo Asęani 15:3

Tama te genuai pris bidi dabe augwaligo agaba te po hauwa kisilama wali.

Dwagi Yai Gesi Po Makgo Asęani 15:5

Tiali goli Jisasgo te po deli wei me ponobeo. Tama tibaso, te Pailat aga noma mu sali.