Dwagi Yai Gesi Po Makgo Asęani 15:36 - Godigo dwagi yai po buku

³⁶ Tama bidi me deli udada pelama, tama te wawi yai bola tiwai nai selama, tama te nai te olo wain ąį te naiba gelama, tama te sigi dili me delide munama, tama Jisas agabolo te tumainu ugwaba mawai. Tama te bidigo te po wai, “Meo, dago suyu bolo yaibao. Te bidi Elaija asama, aga te tǫba aiya sela dulaiba homu egowe, ma meni egowe?” te po wai.

Dwagi Yai Gesi Po Makgo Asęani 15:36 Referans Kwoze

Godigo Nogi Ugwaba Sabo Tęąbi Po Wabo Buku Dabe 69:21

Te eno nasi ebo sogo, augwaligo te dwai marasin ena mani. Te ena dogoni wa pobaso, tama augwaligo te ha ebo ąį nogi viniga naga ena mayu yai dao.

Dwagi Yai Gesi Po Makgo Asęani 15:23

Augwaligo te Jisasbolo te wain ąį dali taluali marasin ąį mawainu yai, te aga tigi dene silabo marasin tiwai elalubao. Tiali goli agai me tubeo.

Dwagi Yai Gesi Po Lukgo Asęani 23:36

Te ami enesigi bidi dabe augwaligo me Jisas dali dwai haniani po wai. Augwaligo pąba aselama, Jisas dwai ha ebo ąį mawainogo yai.

Matyu 27:48

Tama polo te bidi dabe augwali me deli udada pelama, te tamu ąįde elalubo wawi yai nai me deli sigi pali, tama te nai te wain ąį dali taluama, tama te nai awi dili donode kęnama, tama te nai Jisasgo tumainogo manio.

Dwagi Yai Gesi Po Makgo Asęani 15:35

Tama te pąde dodolaluali bidi meba augwaligo te po odama, tama augwaligo te po wali, “Odiąo, agai te Elaija i obao.”

Dwagi Yai Gesi Po Makgo Asęani 15:37

Tama Jisasgo po dagą bomonama mu olama, tama aga isalio.