Dwagi Yai Gesi Po Makgo Asęani 15:26 - Godigo dwagi yai po buku

²⁶ Tama te ni pedaide ugwadu te augwaligo aga po tų ilali po asęai. Augwaligo e tiwai po asęai dao, “Te Juda dabego tuni bidi dao,” te po asęnama te ni pedaide elaluali.

Dwagi Yai Gesi Po Makgo Asęani 15:26 Referans Kwoze

Matyu 27:37

Te aga tobolude ugwadu augwaligo aga te po tų ilali po asęai. Augwaligo e tiwai po asęanio: ‘Te e bidi Jisas, te Juda dabego tuni bidi dao.’

Matyu 2:2

“Wai me deli aga te Juda dabego tuni bidi pedalainogo ame nani, aga menade bidibowe? Da te sia ge pedalobo badude bidibadi dago aga hǫ pedalobo sulama, tama agade kidu sugunama dago agade lotu po wainogo digibulu asai dao,” te po wai.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Dwagi Yai Gesi Po Makgo Asęani 15:2

Tama Pailatgo agabolo hanalu wali, “Nage te Juda dabego tuni bidi da, agawe?” Jisasgo po wei ponani, “Naga digi nago te tiwai po obao.”

Aisaia 10:7

“Tiali goli, Asiria tuni bidigo homu kolesaga, eno kolesaga dali side gasa me tali. Agai te gasa bulu hauwa me dolabo homu elalubao. Tama augwali sese silabo homu ebo.

Bugagia Bidibo Kolesagade Po Asęai Buku 21:1

Genuai Bidigo te kingo homu kolesaga dodolobaso, tama kingo te Genuai Bidigo homu wali peyu, te ąį te ąį gamiadu wali pabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 2:6

Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.

Aisaia 46:10

Te magi deli me pedalisiąbadi, eno te tama sę pedelaibao po weyu, te mena tama siligi pabo po waibao. Polobadu digi eno te sę pedelabo po olama, tama nosali te nai dabe te eno po wali gilama pedelaibao. Te eno mena sę me deli yainogo da, teda te sę eno eyu naga yaibao. Te magi nai me deligo eno te sę yabo sunumi me paligobeo.

Bomai Po 23:5

Tiali goli, Genuai Bidi dago God aga te Balamgo po odobeo, menio. Agai te da dolomainogo wali dwai po dabe, te po te wiegi yai po naga iliyu yai dao, te da tau sabo po nigiliyu yai dao. Magi baso menio. God agai da godolo mu ebaso.

Godigo Nogi Ugwaba Sabo Tęąbi Po Wabo Buku Dabe 76:10

Te bidi dabego haliga sębę yali, tiali goli, te tebogo te gasa bidi dabego nago nogi ugwaba somainu ebao. Tama te hwįbode dolisawąni bidi dabego te genuai lotu wabo sogode te nageba lotu waibao.

Dwagi Yai Gesi Po Makgo Asęani 15:27

Te Jisas walali ni pedai pąde augwaligo te nai wi sai te dwai sę yai bidi augwali si te gasa ni pedai side walali. Augwaligo te bidi me aga te dolo nogo badu waliyu, tama me agai pobase nogo badu waliyu yai.

Dwagi Yai Gesi Po Makgo Asęani 15:32

Te bidi Krais wabo, te da Israel dabego tuni bidi, aga te ni pedaide daganalubo tagalama tama te tǫba aiya dulubaso, tama dago sulama, tama dago agade konealubo po dąų waibao,” genuai bage augwaligo te po wai. Te bidi si augwaligo te Jisas pąde te ni pedaide walali, te bidi me deligo me te dwai posobo po agabolo wai.