Dwagi Yai Gesi Po Makgo Asęani 15:23 - Godigo dwagi yai po buku

²³ Augwaligo te Jisasbolo te wain ąį dali taluali marasin ąį mawainu yai, te aga tigi dene silabo marasin tiwai elalubao. Tiali goli agai me tubeo.

Dwagi Yai Gesi Po Makgo Asęani 15:23 Referans Kwoze

Matyu 27:34

Tama augwaligo te wain ąį meba te ha ebo dwai marasin dali gelama, Jisasgo tumainu manio. Tama agai tula suali, tiali goli agai tubeo.

Dwagi Yai Gesi Po Lukgo Asęani 23:36

Te ami enesigi bidi dabe augwaligo me Jisas dali dwai haniani po wai. Augwaligo pąba aselama, Jisas dwai ha ebo ąį mawainogo yai.

Dwagi Yai Gesi Po Lukgo Asęani 22:18

Eno dagebolo obao, megi tama gagalama, eno bono du wain wę ma tugobeo. Tama tusiąbadi, te Godigo agai we bidi tonalubo sogo pedalabo sogo eno e nai ma tueibao,” Jisasgo te po wai.

Dwagi Yai Gesi Po Makgo Asęani 14:25

Eno mu po dagebolo obao, eno te wain du kaneme ąį munu ma tusiąbadi te eno gesi ąį te Godigo we bidi tonalubo madide tubo sogoba usu nigi paibao,” Jisasgo te po wai.

Matyu 26:19

Tialima, aga wali pabo bidi dabego te Jisasgo augwalibolo wali po selama, te tiwai yali, tama augwaligo te Pasova tubo nai sisi ilali.

Godigo Nogi Ugwaba Sabo Tęąbi Po Wabo Buku Dabe 69:21

Te eno nasi ebo sogo, augwaligo te dwai marasin ena mani. Te ena dogoni wa pobaso, tama augwaligo te ha ebo ąį nogi viniga naga ena mayu yai dao.