Dwagi Yai Gesi Po Makgo Asęani 14:54 - Godigo dwagi yai po buku

⁵⁴ Tama Pita te Jisas pabo wali pali, tiali goli aga te dwasianu digibulu gana bidai. Aga te tobolu pris bidigo be bagulali obo tomoba pai. Tama aga te enesigi bidi dabe dali dualalu, te augwaligo kedau nainu nogani siade te aga tigi kedau neduali.

Dwagi Yai Gesi Po Makgo Asęani 14:54 Referans Kwoze

Dwagi Yai Gesi Po Jongo Asęani 18:18

Te bede sę ebo bage dali, te Jisas odasa asali enesigi bidi dabe dali, augwaligo te be mesalo tomode sia nogai. Te kedau ebaso, tama augwali dolaluyu, te siade kedau tuyu, tigi posolo iliyu yai. Tama Pita me augwali dali dolaluyu, sia kedau tuai.

Matyu 26:3

Tama te sogo tama te genuai pris bidi dabe me, te Juda tobolu bidi dabe badi, augwali te pris tobolu bidigo wiegi yai genuai beba sisinani, te aga nogi Kaiafas dao.

Dwagi Yai Gesi Po Jongo Asęani 18:25

Te Saimon Pita dolaluyu, sia kedau tudai. Tama augwaligo aga dali te po wai, “Nage me te bidi wali pabo bidi dawe?” Tama Pita agai hogwa siyu, “Ena menio,” te po wai.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Dwagi Yai Gesi Po Makgo Asęani 14:38

Tama agai te augwali selabolo te po wai, “Dagego bugagia tonaludu, gedu haluasa po waiyąo. Tiyu te dage usu sabo naigo te dage gege asabuo. Mu tama, duga noma bidi dabe te dwagi yai sę yabo homu ebo dao. Tiali goli duga tigigo bomo sǫą pobao,” agai te po wai.

Matyu 26:58

Tama Pita Jisas aga wali pai, tiali goli aga digibulu gana dwasianu bidai. Aga te tuni bidi Kaiafasgo obo tomoba pelama, tama te enesigi bidi dabe dali te be mesalode dulaluai. Agai te magi sę Jisasde pedalobo te agai sula sainogo yali.

Te Israel me Juda Hani Sigo Tuni Bidigo Po Elalubo Buku Deli 19:13

Elaijago te tebo odolama da, tialima aga bobobage gudali ugwago aga gesabi dali halua selama, te aga masigi ola bede bidali tagalama, te masigi dedage pąba dolagasali. Tama agai po me deli te tiwai odali, “Elaija, magi baso nage ede bidibawe?” te po wali.

Te Israel me Juda Hani Sigo Tuni Bidigo Po Elalubo Buku Deli 19:9

Te hulide Elaija te masigi ola be me deli tomoba pelama, piai. Elaija te masigi ola be tomode bidibadi, te Genuai Bidigo agabolo te tiwai po hanalu wai, “Elaija, nage magi baso ede bidibawe?” te po wai.

1 Samuel 13:7

Tama meba te wę Jordan nogelama, te Gat hanigo tǫba, me te Gileat tǫba peyu yali. Te Israel dabe hwįgi peyu pabode, te Sol augwali dali me pisiąwai, magi baso meni, te Samuelgo po agabolo waliyu, aga te Gilgalde tonaluao obaso, te aga tonalubadi, te Sadede deli tama usu nama bidai. Tama tiyu, Sol te Gilgalde bididuai. Tama aga dali tede bidali ami bidi dabe, augwaligo odali, te Filistia dabego te Israel dabe aiyaba elaluali po wai, tama augwali wi dwai mu yali. Tama te Sadede deli tonalu, Sol tede bidali, tiali goli Samuel me asobeo, tama te bidi dabego te Sol taga pabo gagalama, tedela pela wali.

Dwagi Yai Gesi Po Makgo Asęani 14:66

Pita te aiyadu bidali, te be bagulali obo tomode bididuai. Tama te tuni bidi pris bidigo sę ebo we me deli asali.

Dwagi Yai Gesi Po Lukgo Asęani 22:54

Te Jisasgo aga po ola silibo si da, augwaligo aga nogo pageabi elama, sela pai. Augwaligo Jisas odasa peyu, te Godibolo te polalubo tuni pris bidigo beba pai. Tama Pita me augwali wali pai. Tiali goli, aga digibulu gana bidai.