Dwagi Yai Gesi Po Makgo Asęani 14:45 - Godigo dwagi yai po buku

⁴⁵ Tialima, Judas aga sabolama, tama Jisasba polo pelama, tama te po wai, “Tisa, po ola mabo bidi,” te po wai. Tama agai Jisasba kisa sagaselama, nono nai.

Dwagi Yai Gesi Po Makgo Asęani 14:45 Referans Kwoze

Dwagi Yai Gesi Po Jongo Asęani 20:16

Jisasgo agabolo te po wai, “Mariao.” Tama Maria aga ma begelama, Jisas dali agai Hibru pogo weyu, “Rabonai,” te po wai. Te po page e tama wai, “Po ola mabo bidio,” te po wai.

Dwagi Yai Gesi Po Lukgo Asęani 6:46

Te Jisasgo te po digi po ma wadolu, te po wali, “Te dagego eno yao wali sę isąnama, magi baso enabolo ‘Dago Genuai Bidi dao’ po ola obawe?

Dwagi Yai Gesi Po Makgo Asęani 12:14

Augwali aselama, tama augwaligo agabolo te po wai, “Tisa, po ola mabo bidi, dago koneani, nage mu po wabo bidi dao. Tama nago homugo te bidi delide homu naga me egobeo. Nago te nogi yai bidi dali gasa po me tedali weyu, te nogi meni yani bidi dali gasa po me tedali weyu me egobeo. Menio. Nago te mu pode naga te Godigo kolesaga te we bidi augwali ola mayu ebao. Nago mena homu ebawe? Te dago takis te Rom gavman tuni bidi mu Sisar agabolo mobaso, tebogo dago te Godigo bomai po bolobowe, ma meniwe? Dago mawaibawe, ma dago magobewe?” Augwaligo te po wai.

Malakai 1:6

Te Tigidali Bomo Elalubo Genuai Bidigo te tiwai po te pris dabeba wali, “Ogwago te aga ayago po wali peyu, te aya dologode bidaibao, me te sę ebo bidigo me te aga tonalubo bidigo po wali paibao. Odiąo. Ena duga aya dao. Magi baso dage ena dologoba aselama bidisąbo meniwe? Ena duga tonalubo bos bidi dao. Magi baso dagego eno po wali pisąma ebawe? Dagego ena tudiba muyu, te eno nogi te olo nai dao homu eyu ebo dao. Tiali goli dagego enaba hanalu, ‘Dago magi ilama nage tudiba mubawe?’ te po wali.

Aisaia 1:3

Te kau kibu dabego augwa aya konebo dao, me te donki kibu dabego augwa ayago nai mabo pesage konebo dao. Tiali goli, eno Israel we bidigo kolesaga menio. Te kau kibu de donki kibu sigo kolesagago augwaligo kolesaga edelalio,” wali.

Dwagi Yai Gesi Po Makgo Asęani 14:44

Tama te Jisas augwali nogoba maiabo bidi agai te dąį me deli augwali mawaibao po weyu, te po wai, “Te eno bidi me deliba kisa sigi pelama nono naibao. Te bidi aga te Jisas dao. Dagego aga pageabi elama tulama, tama aga bugagia amua elama, tama aga selasa piąo,” wai.

Dwagi Yai Gesi Po Makgo Asęani 14:46

Tama tibaso, augwaligo nogo Jisasba munama, tama aga pageabi yai.

Dwagi Yai Gesi Po Jongo Asęani 4:31

Te we bidi dabe augwali asodubadi Jisas wali pabo bidi augwaligo Jisas dali te po wai, “Po ola mabo bidi, nage nai tuao,” wali.