Dwagi Yai Gesi Po Makgo Asęani 14:41 - Godigo dwagi yai po buku41 Jisasgo te sela sogo aga Ayabolo po wagi peyu yali silama, ma aselama, tama agai augwalibolo te po wai, “Dage pila mudu tama toma nedu edubawe? Tama dao! Suao, megi da bidi me deligo te ena Godigo Bidi Mu te dwai sęgę sai bidi dabego nogoba muaibao. Gade chapit la |
Dwagi Yai Gesi Po Makgo Asęani 14:41
23 Referans Kwoze
Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.
Agai po ma weyu, Jisasgo te po wai, “Megi eno homu sęgę mu eyu, midigi ebao. Tama eno magi po wagowe? Tiyu eno te po wagawe, ‘Aya, nago te enabolo tamadi pedalainogo ebo sę sela sąyao, enaba asidali.’ Eno te po wagawe? Woo, te po eno wagobeo. Tialima, te tiabo sogo ena pedalagasai dao, te ena dene somainogo yaibao.
“Te dage Israel hani da, ena, God Genuai Bidi, eno te tama po te dageba obao, te dagego homu godolo ebo wida, dagego duga te tibo god dabe wali pao. Tegobao, te dagego godolo yali homu simina ela siminao. Tiali goli, dagego te tiwai ebaso da, teda nosali dagego eno po odoyu, mu wali paibao. Dagego te duga tibo god dabeba ofa eyu, eno nogi da aiyaba munu me elalugobe dao,” wali.
Elisa agai te Israel bidi dabego king bidi subaso, tama agai te po wai, “Magi baso nage ena pageba asobawe? Nage pao, tama te polobadu naga aya me, te ida me, augwaligo pelama, te hanalugi pali te profet bidi bageba pao,” wali. Tiali goli, te king Joramgo te po wei ponoyu, e tiwai po tama wali, “Menio. Genuai Bidi aga digi te da sela king bidi dabe sisinama, tama da te Moap hanigo king nogoba muainu ebao,” wali. “Tama tibaso, da nage pageba asai dao,” wali.
Te Mikaia pelama, te king Ahapba sabalubo si da, teda Ahapgo agaba te tama po hanalu wali, “Mikaia, te dago Ramot taun ma sainu hwįgi pobaso usu yaibawe, ma meniwe?” Tama Mikaiago te kingba posobo po wabo homu ebo po te tiwai wai, “Magia! Te usu da, nago hwįgi pelama da, te taun nago saibao. Genuai Bidigo nage tau sobaso, te nago augwali aiyaba elalueibao,” wali.
Tama te giliga tomo yagasobode, te belo wabo side, Elaijago augwaliba te tiwai posobo po wali, “Dage bomo kimi me igimio. Aga te god dao. Tama te bomo elama, gedu haluasa po wabo sę mu yao. Te agai gasa naiba me homu kone palidu, te agai dageba olo musąyu, ma aga toma nigi pali homu ebao. Ma, te meni baso da, te aga digibulu buluba pali homu yaibao. Ma, te aga godege pila mubowe homu me ebao, tama tibaso dagego aga hodoliąo,” wali.
Piblisite