Dwagi Yai Gesi Po Makgo Asęani 14:40 - Godigo dwagi yai po buku

⁴⁰ Tama aga ma aselama suali, te aga wali pabo bidi dabe augwali godege pila mubo suai. Te augwaligo gedu sęgę mu elaluai. Tama augwaligo agabolo te mena po agabolo wainogo yabo te augwaligo me konebeo.

Dwagi Yai Gesi Po Makgo Asęani 14:40 Referans Kwoze

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

Tigidali Nai Gagalama Nigali Side 44:16

Tama Judago po wei ponoyu te po wai, “Genuai bidi, te dago po mena tama wei ponagawe? Godigo te dago sęgę haninani. Genuai bidi, te nago kap elalubo suali naga, aga te nago olo sę ebo bidi me pedalugobeo. Menio. Da tigidali hodobo tiaibao,” wali.

Dwagi Yai Gesi Po Makgo Asęani 14:39

Tama aga ma pelama, gedu haluasa po wagi pai. Te aga hasia gedu haluasa po wali tiwai ma wali, te gedu haluasa po tiwai naga Godibolo ma weyu yai dao.

Dwagi Yai Gesi Po Makgo Asęani 14:41

Jisasgo te sela sogo aga Ayabolo po wagi peyu yali silama, ma aselama, tama agai augwalibolo te po wai, “Dage pila mudu tama toma nedu edubawe? Tama dao! Suao, megi da bidi me deligo te ena Godigo Bidi Mu te dwai sęgę sai bidi dabego nogoba muaibao.

Dwagi Yai Gesi Po Lukgo Asęani 9:32

Te sogo Pita me, aga abagi si me gedu magane ebaso, godege piai goli, hodaluama, te Jisasde te dagalu pǫ tedela ula tiwai ula Jisasde elalu, te aga dali dolaluali bidi side me te tiwai ula elalubo suali.