Dwagi Yai Gesi Po Makgo Asęani 14:33 - Godigo dwagi yai po buku

³³ Tama agai te Pita, me Jems, me Jon, te bage sela selama, tama augwali aga dali pali. Megi da, te aga homu moni sęgę eyu, tama aga kone palu te aga dwai homu mu yai.

Dwagi Yai Gesi Po Makgo Asęani 14:33 Referans Kwoze

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Dwagi Yai Gesi Po Makgo Asęani 5:37

Tama agai te we bidi dabe augwali habu selama, te augwali aga dali me pelamuo wali. Pita me Jems me Jon, te Jems aga ama, te augwali sela naga aga dali pali.

Godigo Nogi Ugwaba Sabo Tęąbi Po Wabo Buku Dabe 38:11

Te eno abagi, me hai namu dabe, te augwali ena pąba asabo homu isąwai. Augwaligo te eno keni suabo homu isąwai. Tama ena hani sibi dabe augwali te digibulu bidibao.

Dwagi Yai Gesi Po Makgo Asęani 9:2

Nosali te Sarere deli bidai madi, Jisasgo Pita me Jems me Jon selama, tama agai augwali te ugwanu holai bulu du me deli te bageba odasa holali. Tama augwa naga tede bidaluali. Tama augwali gedude Jisasgo tigi hasegelama, tama aga gasagi yai pedalai.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Dwagi Yai Gesi Po Makgo Asęani 9:15

Te po odobo we bidi tigidali augwaligo te Jisas asobo sulama, tama polo te augwali midigi siyu te noma sali. Augwali te aga pageba udada pelama, tama augwaligo siade da po aga dali wali.

Dwagi Yai Gesi Po Makgo Asęani 16:5

Augwali te gų page tomoba pobadi, tama augwaligo te gesi ogwa bidi me deli te dolo nogo badu dualalubo suai. Aga te bobage tedela ugwa gudai elaluai. Tama augwali noma siyu midigi siyu wi yali.

Dwagi Yai Gesi Po Makgo Asęani 16:6

Tama agai augwalibolo te po wai, “Dage midigi siyu noma me selamuo. Eno koneani, dage asali te Nasaret bidi Jisas gegagasali, aga augwaligo te ni pedaide walali. Aga hodalualio! Aga te ede me bidibeo! Te augwaligo aga muani pesage te elalubo suiąo.