Dwagi Yai Gesi Po Makgo Asęani 14:31 - Godigo dwagi yai po buku

³¹ Tiali goli Pitago po bomo elama mu weyu, “Tagalao, te ena nage dali isibaso, te usu dao. Tiali goli eno te nage konebeo po munu me wagobeo. Mu menio!” Tama Jisas wali pabo bidi dabe tigidali augwaligo me te tiwai po naga ola pai.

Dwagi Yai Gesi Po Makgo Asęani 14:31 Referans Kwoze

Dwagi Yai Gesi Po Jongo Asęani 13:37

Pitago agabolo te po wai, “Genuai Bidi, magi baso eno nage megi wali pogobewe? Eno nage tau somainogo ena isiyu da, te usu yaibao,” Pitago te po wai.

Ma Dobola Sali 19:8

Tama tigidali we bidigo te po wai, “Dago te sę dabe tigidali te Genuai Bidigo po wali gilama te sę yaibao.” Tama Mosesgo te we bidigo po te Genuai Bidibolo wagi pai.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Bugagia Bidibo Kolesagade Po Asęai Buku 29:23

Te bidigo hagoma homu eyu, tama aga digi aga nogi ugaba sobaso da, te augwaligo aga nogi aiyaba elaluaibao. Tiali goli, te bidi aga digi aga nogi aiyaba elalubo bidi da, te genuai nogi saibao.

Bugagia Bidibo Kolesagade Po Asęai Buku 18:24

Te abagi hauwa elalubo bidi da, te aga dolaibao. Tiali goli, te bidi mebago te gasagi yai abagi mu elalu, tama te abagigo augwali dali te bugagia mu kęą pelama, te deli haliga mu yaibao. Te abagigo ebo kolesagago te ama nami augwa si tomode ebo kolesaga te aiyaba elalubo dao.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Te Israel me Juda Hani Sigo Tuni Bidigo Po Elalubo Buku Si 8:13

Hasaelgo te po odobo si, tama te Elisago po wei ponoyu, e tama wali, “Ena olo bidi dao. Tama te genuai sęgę yai sę eno ma mena tama usu nama yaibawe?” wali. Awe, tama Elisago agabolo e tama po wai, “Genuai Bidigo enabolo e tama ola mawai dao, nage Siria hani tonaluabo king bidi nigaibao,” wali.

Godigo Nogi Ugwaba Sabo Tęąbi Po Wabo Buku Dabe 30:6

Polobadu te ena bugagia mu bidibaso, tama eno te tiwai po wali, “Te magi nai me deligo ena dwasianu degelainu ebaso, usu me egobeo,” wali.

Matyu 10:33

Tiali goli mena bidi agai te we bidi augwali gedude ena nogi tudiba mubo bidi, te eno me eno Aya dagalude bidibo bidi gedude aga nogi tudiba muaibao.” Jisasgo te po wai.

Dwagi Yai Gesi Po Makgo Asęani 14:30

Tama Jisasgo agabolo te po wai, “Eno mu po nagebolo obao, megi e sogo hulide, te ba kakaruk po si sogo wasiąbadi, tama nago ena konebeo po te sela sogo waibao.” wali.

Dwagi Yai Gesi Po Makgo Asęani 14:32

Te augwali peyu, tama te gi me deliba sabolali, te gi bulu nogi Getsemani. Tama Jisasgo aga wali pabo bidi dabe augwalibolo te po wai, “Dage ede bidaluiąo. Ena God dali po wagi painu homu ebao.”

Dwagi Yai Gesi Po Lukgo Asęani 23:23

Tiali goli, augwaligo bomo mu yai, augwaligo moni i bomonama mu wai. Te Pailatgo Jisas elamuo po augwalibolo omainogo, te augwaligo i wabo elabo pogo Pailatgo po aiyaba elaluai.

Te Israel me Juda Hani Sigo Tuni Bidigo Po Elalubo Buku Deli 11:22

Tama kingo agabolo te tama po hanalu wali, “Magi baso te nage naga bulu tǫba ma painu obawe? Te nage ena dali bidiyu, te magi nai me deli sǫą pobaso obawe?” Tama Hadatgo agabolo te tama po wai, “Ena te magi nai deli me sǫą pabeo. Tiali goli, eno homugo te ena pomainu ilao,” wali.

Dwagi Yai Gesi Po Makgo Asęani 10:39

Tama augwali sigo agabolo te po wai, “Te da si usu yaibao,” wai. Jisasgo augwali sibolo te po wai, “Mu dao, te megi eno ąį tubo kapde te dage sigo me tueibao. Te megi eno baptais sabo, te dage sigo me saibao.