Dwagi Yai Gesi Po Makgo Asęani 14:12 - Godigo dwagi yai po buku

¹² Te Juda dabego te yis meni yai bo disąwai bret nai tuabo si pedalali. Tama te polasa gagalobo sogode augwaligo te Pasova nai tuabo sipsip kibu wai eliyu ebo dao. Tama Jisas aga wali pabo bidi dabego Jisasbolo po weyu, te po wai, “Nago homugo dago te tubo nai menaba sisi iligi pelama, tama nago te Pasova nai tuaibawe?”

Dwagi Yai Gesi Po Makgo Asęani 14:12 Referans Kwoze

Ma Dobola Sali 12:18

Tama dagego te bo disiąwai nai bret te polua dei 14, tede pio tubo gagalama, tama te polua dei 21, te tama te nai tuao.

Ma Dobola Sali 12:6

Augwaligo te kibu dabe bugagia tonaluama, te polua dei 14 wabode, tama pio mu tigidaligo te augwa kibu dabe elao.

Ma Dobola Sali 12:8

Tama te sogo hulide dagego sipsip meme mi dabe siade ulao. Tama dagego te kibu mi dali, te bo disiąwai bret, me te ha yai donai dali tuao.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

Ma Dobola Sali 13:3

Mosesgo te we bidi augwalibolo te po wai, “Dage te Isipde bidali, te kalabus sę ebo bulu dao. Tama aga bomogo digi, Genuai Bidigo dage Isip bulude selama, odasa asai. Tama tibaso, tigidali kibu be dagego agai te tama tiali side homugo koneama, tama dagego te bo dai nai bret dali tugio.

Matyu 3:15

Tiali goli Jisasgo agabolo po wei ponoyu te po wali, “Woo, te nago eno wabo po wali peyu, te sę yao. Tama tiyu, te dago doloba pai kolesaga naga usu nama inao,” te po wai. Tama tialima Jongo agai po wali pai.

Bomai Po 16:5

“Dagego te Godigo dage olo taga palali te bubuga kone paliyu, te eleba te hasa dabe Genuai Bidi agai dagebolo mawainogo ebo te hanu dabede elamo dao. Menio.

Dwagi Yai Gesi Po Makgo Asęani 14:1

Te sogo te Juda dabego olo bidiyu, te bo disąwai bret nai tuabo sogo nogi Pasova, te tuabo side te pedelabo bodolu si elaluali. Tama te genuai pris dabego me te bomai po page koneai bidi dabe augwaligo te po wai, “Mena tama tilama, te dago Jisas geme pageabi elama, tama aga ela muaibawe?”

Dwagi Yai Gesi Po Makgo Asęani 14:11

Augwaligo te wabo po odama, te augwali wiegi yai homu pemene yai. Tama augwaligo agabolo te masigi meba maiabo po dąų wai. Tama Judasgo te me sogo te Jisas augwali nogoba muabo sunumi me deli gegebo sę ebo te sogo gagalali.

Dwagi Yai Gesi Po Makgo Asęani 14:13

Tialima, Jisasgo te augwali si naga tagala palu, tama augwali sibolo te po wai, “Dage si te Jerusalem hanu tomoba piąo. Tama te sene wę tulama sela asobo bidi me deligo dage si te sunumide sueibao. Dage sigo aga wali piąo.