Dwagi Yai Gesi Po Makgo Asęani 13:5 - Godigo dwagi yai po buku

⁵ Tama Jisasgo po augwaliba pusa mayu, te po wai, “Dage dua dao. Tiyu te bidi me deligo dage ili po ola mayabuo.

Dwagi Yai Gesi Po Makgo Asęani 13:5 Referans Kwoze

Kolosi 2:8

Dage dua dao. Bidi dabe meba augwaligo te tǫde bidigo olo homu kolesaga, te we bidibolo tibo po ola mabo homu kolesaga, augwaligo dagebolo te tobage dwai homu kolesaga ola menama, tama te homu kolesagago dage dąų waidali weyu, dage dua dao. Te tobage homu kolesaga te Kraisgo ola mabeo. Mu menio. Te tobage olo homu kolesaga te bidi dabego polo wąįgo ola mani kolesaga dao, me te tǫ dali dagalu dali si tonalubo dwai genuai mobo bagego ola mani homu kolesaga dao. Te Kraisde sabeo.

Efesus 5:6

Dage bugagia dua dao. Tiyu dage te gasa bidigo agai dage te dwai kolesaga tomoba kekainogo ebaso da, agai wabo kedu meni yai po wali pelamuo. Te eno tamadi wali dwai kolesaga ebode te Godigo agai po sela sąbo bidi dabe dali sębę yaibao.

Jeremaia 29:8

“Ena dage Israelgo God, ena Tigidali Bomo Elalubo Genuai Bidi, eno po dolo obao, dagego te duga profet, me te osabo bidi dabego dage tibo po ola momainu igio. Te bidi dabeba waliyu, te dagego naa elama, te naa page dabolo pusao po wabo tagalao.

1 Jon 4:1

Abagi dedeo, tibo po ola mabo bidi dabe hauwa augwali tigidali tǫde bilalubao. Tama bidi hauwago te po obao, “Godigo Mobo Bidi agai enabolo mu po olama, tama eno te mu po pusubo dao.” Te po obaso, dagego homu te augwaligo ola mabo poba olo subigila dąų wagio. Dagego koneainogo, tigidali te po ola mabo bidi osola suao, te Godigo tagala palali Mobo Bidi augwali dali bidibawe, ma meniwe, te suainogo tama tiao.

2 Tesalonaika 2:3

Jisas ma asobode augwaligo geda muani po dagego odamuo. Te Jisas ma asobo sogo olo dali tama polo pedalogobeo. Te menio. Te sę pedalainogo hasia bolo bidi hauwa augwaligo dwai sę hauwa elama, tama God nogi gegeda peyu, tudiba mu muaibao. Te bomo yai po sela sąbo dwai sę ebo bidi hasia aga bolo dago gesabidiba pedalaibao. Te bidi Godigo te moni sia bulude nosali mu dola silaibao.

1 Korin 15:33

Augwaligo dage te tobage tibo po ola mabo gogolamuo! Bidi me deligo te dwai kolesaga ebode polobadu wali po te mu po naga dao. Agai te po wai, “Te da dwai bidi dabe dali kisasa biliyu da, teda augwaligo dwai kolesagago dago wiegi yai kolesaga ebo dolaibao,” agai te po wai.

Dwagi Yai Gesi Po Lukgo Asęani 21:8

Tama Jisasgo po weyu, te po wali, “Bidi hauwa asiyu, Jisas ena nogi waibao, Jisas asaibao wali, ena te Jisas ena e asalise, te po waibao, dage dali. Dage dua dao. Augwaligo dage ili po ola mawaibao. Tama augwaligo te po me waibao, ‘Asobo si te pąba maga yagasobao.’ Tiali goli, dagego te po wabo bidi wali pigio.

Dwagi Yai Gesi Po Makgo Asęani 13:4

“Nago dabolo wao, nisu sogo te sęgę te Moni Lotu Be tempelba pedalugowe? Mena dąį bolo hasia pedalubo si, tama dago koneai elalubadi, megi da te sę dabe te pąde pedalaiba homu elalugowe?”

Dwagi Yai Gesi Po Makgo Asęani 13:6

Te bidi dabe hauwa augwali aselayu, tama ena nogi ilama, tama augwaligo te po waibao, ‘Ena digi ena te bidi dao.’ Tama augwaligo te we bidi hauwa tibo po ola mawaibao.