Dwagi Yai Gesi Po Makgo Asęani 13:35 - Godigo dwagi yai po buku

³⁵ Tama te dagego me te tiwai gilama bugagia tonaluiąo. Te be page bidi aga nisu sogo asabo te dagego konebe. Te aga pio asogowe, ma huli tomode asabo me, ma te be posainuba po obadi me, ma te kigamu asabo me, te dagego konebe dao.

Dwagi Yai Gesi Po Makgo Asęani 13:35 Referans Kwoze

Dwagi Yai Gesi Po Makgo Asęani 13:33

Dage dua dao. Dagego tonalu bidiąo. Te nisu sogo pedalabo te dagego me konebe dao.

Matyu 24:42

Tama tibaso, dagego bugagia tonaluao. Duga Genuai Bidi ma asobo sogo, te dagego konegobeo.

Matyu 24:44

Tama tibaso, dage me sisi elaluao. Te Godigo Bidi Mu te me sogo dagego homugo konesiąbo sogo te aga asaibao,” Jisasgo te po wai.

Dwagi Yai Gesi Po Makgo Asęani 14:30

Tama Jisasgo agabolo te po wai, “Eno mu po nagebolo obao, megi e sogo hulide, te ba kakaruk po si sogo wasiąbadi, tama nago ena konebeo po te sela sogo waibao.” wali.

Dwagi Yai Gesi Po Makgo Asęani 6:48

Tama agai suali, te waligo augwali degelainogo ebaso, tama augwali te wę togobo sę dene mu yai. Te be posabo pąde, teda Jisas te sigi ąį daidu augwali bidiboba pali. Agai te augwali ela soainogo yai.

Matyu 14:25

Tama te be posabo magade Jisas te sigi ąį daidu pelama, aga wali pabo bidi dabe augwali bidibo gebaba pedalainogo pai.

Matyu 24:43

Dagego homugo te sęde koneao, te be page bidigo hasia bolo te nisu sogo hulide te nai wi sabo bidi asobo te agai konegi sogo da, teda agai bugagia tonalugi baso, tama te nai wi sabo bidigo agai be aluama, te tomoba soabo si te me gogolama me sula tagaligi menigi da.

Dwagi Yai Gesi Po Makgo Asęani 13:37

Eno dagebolo te mabo po, te po eno tigidali we bidibolo obao, dage tigidaligo te bugagia tonaluao!” Jisasgo aga wali pabo bidi me si me si augwalibolo te po wai.